Märta Tikkanen
Profesiono: skriptisto
Lando: Finlando
Naskodato: 3 di aprilo 1935
Nasko-loko: Helsinki
Mortodato:

Märta Tikkanen (n. en 1935) esas Finlandana skriptisto.

De 1956 til 1961 Tikkanen laboris kom redaktero en Hufvudstadbladet. Pose el esis docisto di matrala linguo (t.e. la Sueda) en skolo di Lauttasaari en Helsinki de 1961 til 1966. De 1972 til 1980 el direktis kom rektoro Sueda-linguala laboristaro-instituto en Helsinki. El skribis artikli en multa jurnali, exemple, Ilta-Sanomat (“Vespara Novaji”), Helsingin Sanomat (“Novaji di Helsinki”), Hufvudstadbladet (“Chefurbala jurnalo”).

Tikkanen esabas sempre direte-parolanta. Exemple, la yaro 1975 esis Yaro di Mulieri, e Tikkanen volis, ke la temo dil yaro videsabus anke en la laboristaro-instituto. Lo esis tatempe tre provokiva en ca regresala instituto. L’egaleso di viri e mulieri esabas sempre en la kordio di Märta Tikkanen.

La verki di Märta Tikkanen esas tradukita aden 23 lingui. El esas premiizita multafoye, inter altri, per Literaturo-premio di Nordala Mulieri (1979), Statala Premio di Savo-Publigo (1983), Tollander-premio (1999), Fredrika Runeberg -premio (2001). En 2005 Tikkanen divenis honorumala doktoro en l’ekonomial-politiko-ciencala fakultato che l’Åbo Akademi (en Turku, Finlando).

Kelka verki da Märta Tikkanen:

  • "Amo-naraco dil yarcento" - La verko esas aranjita por plu kam 50 teatri en Germania.
  • "Maria-strado 26" - La verko esas tradukita aden 26 lingui.
  • "On ne povas violacar viro"
  • "Du - kelka eventi en un artisto-mariajo" (2004) - Märta esas vidvo di Henrik Tikkanen, pikturo-artisto.