Louisville, Kentucky

Louisville (pronuncata 'luːǝvǝl) esas la 3ma maxim populizita urbo del stato Kentucky e la 29ma maxim populizita de Usa. Ol fondesis en 1778 da George Rogers Clark e nomizesis pro la rejulo Louis la 16ma di Francia. Louisville esis la hemo di Kentucky Derby.

Segun la demografiala kontado di 2010, ol havis 597 337 habitanti. En 2003, Louisville e la komtio Jefferson divenis unika urbo/komtio, sub unika administrado (Louisville-Jefferson County Metro Government en l'Angla, e plu kurte Louisville Metro), qua, segun statistiki de 2014, havis 760 026 habitanti.

En l'Angla la habitanto dil urbo nomesis a Louisvillian.

Historio redaktar

En 1769, explorero Daniel Boone kreis choseo de Nordal Karolina a Tennessee, e la sequanta du yari ilu exploris Kentucky. La maxim frua urbo fondesis en 1778 dal kolonelo George Rogers Clark. Deketri familii lojis en l'areo ed establis la fuorto Fort Nelson. Nune, kolonelo Clark konsideresas la fondinto di Louisville.

En 1828 lua habitantaro esis 7,000 personi, e Louisville divenis urbo.

Geografio redaktar

Louisville jacas a 38° 13 44° N. (Nb: La kontado di 2000 montris l'urbo ante la kreado di Louisville Metro, ye la 6ma di januaro 2003.) Segun l'Usana Kontado Ministerio, la areo di la urbo esis 172.6 km², equivalanta a 66.7 mi², di qui 160.9 km² (62.1 mi²) esas lando e 11.7 km² (4.5 mi², o 6.80% de la surfaco totala) esas aquo.

Demografio redaktar

Segun la demografiala kontado di 2000 esis 693,604 homi, 287,012 hemanari, e 183,113 familii qui rezidis en la urbo/komtio. La denseso di habitantaro esis 695/km² (1,801/mi²). Esis 305,835 domi kun mezvalora denseso di 307/km² (794/mi²). Segun raso, esis 77.38% Blanki, 18.88% Negri od Afrik-Usani, 0.22% indijeni Amerikana, 1.39% Aziani, 0.04% Pacifik-insulani, 0.68% de altra rasi, e 1.42% de du o plura rasi, e 1.78% de la habitantaro esis Hispan-Amerikani o Latin-Amerikani de irga raso.

Esis 287,012 hemanari, di qui 29.60% havis pueri od adolecanti evante min kam 18 yari en la domo, 45.20% esis mariajita e habitis kune; en 14.70% muliero sen spozulo esis la domo-chefo, e 36.20% esis ne-familii. En 30.50% de omna hemanari vivis unika sola individuo, e 10.30% habitesis da singla individuo evante 65 yari o pluse. La mezvalora grandeso per hemanaro esis 2.37 personi e la mezvalora grandeso per familio esis 2.97 personi.

La procento di habitanti segun evo esis: 24.30% evante min kam 18 yari, 8.90% de 18 til 24 yari, 30.40% de 25 til 44 yari, 22.80% de 45 til 64 yari, e 13.50% evante 65 yari o pluse. La mezvalora evo esis 37 yari. Por singla 100 mulieri esis 91.60 viri. Por singla 100 mulieri evante 18 yari o pluse esis 87.60 viri.

La mezvalora revenuo per hemanaro en la urbo esis $28,843, e la mezvalora revenuo per familio esis $36,696. La mezvalora revenuo por la viri esis $30,608 kontre $24,439 por la mulieri. La revenuo per capita por la urbo esis $18,193. Cirkume 21.6% de la habitantaro e 17.9% de la familii vivis sub la povreso-lineo, inkluzite 33.5% ek omna habitantaro evante min kam 18 yari, e 13.2% ek omna habitantaro evante 65 yari o pluse.

Jurnali redaktar

 
The Courier-Journal e Velocity, du jurnali komprebla en l'urbo.
  • The Courier-Journal
  • Snitch Newsweekly
  • Louisville Eccentric Observer (LEO)
  • Velocity (facita da The Courier-Journal).

Ekonomio redaktar

 
Bourbon-wiskio. Un triimo ek omna bourbon-wiskio venas de Louisville.

Eduko redaktar

  • universitato di Louisville
  • universitato Spalding
  • universitato Sullivan
  • universitato Bellarmine
  • fakultato Jefferson Community
  • seminario Southern Baptist Theological
  • seminario Louisville Presbyterian Theological

Transporto redaktar

 
La tramvoyo Toonerville II, de la centro dil urbo a la distrikti Bardstown Road.

La precipua aeroportuo esas l'aeroportuo internaciona di Louisville, qua recevas 3,5 milion personi omnayare.

Fratala urbi redaktar

 
La disti a la fratala urbi di Louisville esas videbla hike.

Extera ligili redaktar