Lily Ebert

Lily Ebert, (pron.: lili-ebert; n. Bonyhád, la 29ma di decembro 1923 - m. London, la 9ma di oktobro 2024) esis Hungariana, nasko-nomo Lívia Engelman, transvivinto di la holokausto, skriptisto e TikTokero.

Lily Ebert en 2021 (tondita fotografuro)

Ebert skribis pri sua vivo e pri sua experienco en koncentreyo Auschwitz en la libro "Lily's Promisse" (Promiso di Lily). En la koncentreyo el perdis sua matro, fratulo e fratino. Elua numero en koncentreyo, tatuita sur sua brakio (A-10572) esis vidata da 24 milioni de spektanti tra la mondo.

Pos esir liberigit el vagis tra Germania, Suisia ed Israel. En Tel Aviv el laboris en fabrikeyo di matraci, ube el renkontris elua spozo Shmuel Ebert, same kam el hungariano. Li migris a London, ube li havis tri filii.

Lily Ebert obtenis famo pro sua posnepoto Dov Forman, qua eninterretigis fotografuro de dolar-bilieto quan donabis ad el Usana soldato liberigint Auschwitz. La soldato, Hayman Shulman, skribis mesajo sur la bilieto: ‘La komenco di nova vivo. Multa feliceso e prospero.’ Pos risendir la Twitter-mesajo dal Auschwitz Memorial Museum la Twitterajo tra-iris la mondo e mem atingis la soldato qua donabis ad el la bilieto.

Elua posnepoto kreis konto che TikTok por el ube el naracis en kurt epizodi pri sua vivo en la koncentreyo. El anke kandide respondis ye questioni di spektanti.