Konstantin Borisovich Czyu

Konstantin Borisovich Czyu
Profesiono: boxisto
Lando: Sovietia, Rusia, Australia
Naskodato: 19 di septembro 1969
Nasko-loko: Serov, provinco Sverdlovsk, RSS Rusia, Soviet-Uniono
Mortodato:

Konstantin Borisovich Czyu, ang. Kostya Tszyu (n. ye la 19ma di septembro 1969) esas Sovietiana, Rusiana e Australiana (de 1993) ex-boxisto.

Kostya Tszyu kun sua ex-spozino Natasha (2007).

Kom boxisto amatorala en 1989 e 1991 il divenis championo (en kategorio ad 61 kg) same dil mondo e dil Europa.

Ilua profesionala kariero boxala esis en yari 1992-2005, e sua unesma titulo ganis en kategorio ad 63,5 ye la 28ma di januaro 1995 – championo dil International Boxing Federation (IBF) (kontre lora chamiono Jake Rodríguez). Nur sisa kombato pri defenso dil titulo kun Vince Phillips esis perdita – samtempe ilua unesma perdita kombato pri profesionala boxo.

Sekvanta 8 yari esis nur ilua vinki.

Ye la 21ma di agosto 1999 divenis championo dil World Boxing Council (WBC) (kontre Miguel Ángel González), ed ye la 3ma di februaro 2001 pos vinko kontre Sharmba Mitchell – championo dil World Boxing Association (WBA Super). Ye la 3ma di novembro 2001 il riganis pos kombato kontre Zab Judah titulo di IBF-championo.

Kostya Tszyu perdis sua lasta kombato kontre Ricky Hatton e finigis sua kariero kun 2 perdi en 34 kombati. Multe Australiani konsideras il kom nacionala heroo sportala.

Pos kariero dil sportulo Konstantin Czyu laboris kom entrenero inter altri kun: Denis Lebedev, Habib Allahverdiyev e Alexandr Povetkin.