Karoso (automobilo)

La karoso di ul automobilo o di omnibuso esas lua supra parto. Ol esas la konstrukturo e l'interioro (precipue la sidili) sen parti quale la motoro, la roti, la kateno di movo. Che l'unesma automobili e che utileso-veturi apene esis karoso.

Karoso gutoida por automobilo, kreita da Usana projetisto Norman Bel Geddes

Karoso di Volkswagen Kombi developita quale kamioneto.

Sur framo o su-portanta

Ofte la karoso esas muntita sur la framo. Dum la frua yari dil automobilo til pos la Duesma Mondo-milito to esis la kustumala modo konstruktar, e por kamiono to ankore esas. Hodial automobili havas su-portanta karoso, sen aparta framo. Ta-kaze la karoso esas tre forte produktita, tale ke la sub-parto, la kateno di movo e la stuli direte povas esar muntata sur ol. To esas tre kompakta konstrukto-modo, qua donas multa libereso a la desegnisto por plasizar la komponenti. La sub-parto esas tolajo qua povas esas presat en formo por spacizar la reserva roto, la dopa benko, l'akumulatoro od altra desfacila parti. Anke sporto-veturi havas su-portanta karoso, pro ke tala konstrukturo esas plu sekur e lejera kam framo kun aparta karoso. Specala su-portanta sorto esas la monoshelo, ube la toto esas konstruktata kom un 'shelo'.

Karoso-formi

Astra H Caravan, modelo de kompanio Opel, projetita kom stacion-veturo.

Stacion-automobilo o stacion-veturo esas modelo kun plusa spaco kam l'originala modelo, maxim ofte pro longigit e kelke plu-altigita dopajo, til la parashoki. La klapo nenecese devas esar rekta. La nomo stacion-veturo uzesis en Usa por automobili qui uzesis por transporto cirkum la stacioni ed anke uzesas kom taxio. L'adaptita bagajeyo esis necesa por transportar granda quantesi de bagajo.