Logotipo* de Opel
Anunco pri Opel-sutomashino de 1901.

Opel Automobile GmbH esas Germana automobila fabrikanto qua, de 2017 til nun, esas filialo de la plurnaciona fabrikanto di automobili Groupe PSA. De 1929 til 2017, Opel apartenis ad Usana kompanio General Motors. La vehili Opel vendesas en Unionita Rejio sub la fabrik-marko Vauxhall. Kela modeli de Opel produktesas sub licenco sub la fabrik-marko Holden en Australia.

Opel fondesis da Adam Opel en 1862, kom sutomashino-fabrikerio, che Germana urbo Rüsselsheim am Main. La kompanio komencis fabrikar bicikli en 1886 e produktis lua unesma automobilo en 1899. Pos ke ol komencis vendar lua acioni en borso, General Motors kompris la majoritato ek ol en 1929, ed asumis kompleta kontrolo de la kompanio en 1931, e mantenis ca kontrolo dum preske 90 yari.

En marto 2017, Groupe PSA kompris Opel po 2,2 milion Euri e divenis la maxim granda automobila fabrikanto de Europa, dop Volkswagen.