Campania
Flag of Campania.svg Regione-Campania-Stemma.svg
Chef-urbo Napoli
Maxim granda urbo Napoli
Campania in Italy.svg
Surfaco 13 590 km²
Habitanti
Denseso di habitantaro
5 850 850[1] (2016)
427.2 hab./km²
Guberniestro Vincenzo De Luca (PD)
Horala zono UTC+1
TNP (yaro) 95 087 milion € (2009)
Reto http://www.regione.campania.it/

Kampania esas regiono an la sudo di Italia. Kun 5 850 850 habitanti en januaro 2016,[1] ol esas la triesma maxim populoza e havas la maxim granda denseso di habitantaro de la lando.

Bazala fakti pri Kampania.

HistorioRedaktar

 
Paestum, Greka urbo konstruktita apud Tireno.

La regiono di Kampania koloniigesis dal Anciena Greki, qui fondis l'urbo Napoli kun la nomo Neapolis. Tota Kampania e la vicina Puglia, Basilikata, Kalabria e Sicilia divenis konocita kom Magna Græcia kande li divenis parto di la Romana Republiko dum la 4ma yarcento ak.

Ye la 5ma di junio 1224, l'universitato di Napoli fondesis. En 1282 fondesis la rejio Napoli, an la sudo di la peninsulo Italiana. Militi en la regiono duris til 1302, kande signatesis tale-nomizita "paco di Caltabellotta", kande lora papo Bonifacius la 8ma agnoskis Federico la 3ma kom rejulo di Sicilia, e Charles la 2ma kom rejulo di Napoli. Malgre la separo, Napoli duris prosperar, ed atraktis komercisti de Pisa e Genova, bankisti de Toskania e multa importanta artisti de ta epoko, exemple Giovanni Boccaccio, Francesco Petrarca e Giotto.

Pos ke Afonso la 1ma de Aragon vinkis René la 1ma, la lasta rejulo di Napoli, il itere unigis Napoli e Sicilia. L'uniono duris til 1458, kande la du teritorii itere separesis. La rejio Napoli duris til 1816 kande ol itere unionesis al rejio Sicilia, lore por formacar la Rejio di la Du Sicilii. Ta rejio duris til 1861, kande ilu anexesis al Rejio Italia.

GeografioRedaktar

La regiono havas 350 km di litoro. L'Insulo di Capri e Monto Vesuvio jacas en Kampania. Doplande ol kovresas per monti qui rare superiras 2.000 metri di altitudo. Lua maxim alta monto esas Milettol, kun 2.050 metri di altitudo.

EkonomioRedaktar

L'industrio por transformar la produkturi de agrokultivo esas la precipua ekonomial agado de la regiono.

ReferiRedaktar

  1. 1,0 1,1 Statistiche demografiche ISTAT. URL vidita ye la 30ma di aprilo 2017.
  Regioni di Italia  
Abruzzo | Apulia | Basilikata | Emilia-Romagna | Friuli-Venezia Giulia | Kalabria | Kampania | Lazio | Liguria | Lombardia | Marche | Molise | Piemont | Sardinia | Sicilia | Toskania | Trentino-Supr Adijo/Suda Tirol | Umbria | Valo d'Aosta | Veneto