Molise

Molise esas un ek la 20 regioni di Italia, jacanta centr-este de la lando. Segun statistiki por 2023, ol havis 289 229 habitanti.

Molise Regiono di Italia Artificala lago Occhito, sude de Molise. Chefurbo Campobasso Maxim granda urbo Campobasso Surfaco 4 460,65 km² Habitanti Denseso di habitantaro 289 229 (2023) 64.84 hab./km² Prezidanto regionala Francesco Roberti (Forza Italia e koalizuro dextrana) Fondita o kreita 1963 Horala zono UTC+1 (UTC+2 dum somero) TNP (yaro) 6 649 milion € (2021) Reto oficala situo

Historio

Ruini del epoko Samnita, en Pietrabondante.

Restaji pri homala habitado de Paleolitiko trovesis che arkeologiala loko Isernia La Pineta, un ek la maxim anciena de Italia. Ante Romana epoko, la regiono habitesis dal Samniti, qui esis precipue pastori e militeri, e vivis precipue en Isernia ed en la ruro di Campobasso. Cirkume la 4ma yarcento aK li komencis mantenar kontakto kun Roma e komencis tale nomizita "Samnita militi". Romani gradope konquestis la regiono, ed en 88 aK Samniti revoltis kontre Romana diktatoro e generalo Lucius Cornelius Sulla, sensucese.

Geografio

Monto Miletto, che provinco Isernia.

Molise havas entote 4 460,65 km², de qui cirkume 53% kovresas da monti e la cetera da kolini. La montoza regiono konsistas ek montokateni di Apenini. Tale nomizita Monti della Meta esas montokateno an la limito inter Molise, Lazio ed Abruzzo. Existas poka arei plana, e l'existanta esas mikra, exemple en urbeto Bojano. Malgre plu rara kam en altra regioni Italiana, povas eventar ter-tremi en Molise.

La precipua aquoflui di la regiono esas fluvii Trigno, longa de 85 km, e Biferno, longa de 84 km. Lia aqui fluas kom torenti: lua aqui augmentas kun pluvii vintrala e desfrosto printempal, e diminutas dum somera sika sezono. Fluvio Volturno, longa de 175 km, anke trairas Molise partale, til debushar an gulfo Gaeta, che Tirreno. La maxim granda lago di la regiono esas Occhito, artificala lago an la frontiero inter Molise e provinco Foggia, en Apulia.

Ekonomio

Urbo Termoli.

Pro lua mikra quanto di habitanti, l'ekonomio di Molise esas poke developata kompare altra regioni Italiana. Primara sektoro esas la precipua fonto di ekonomiala revenuo. Industrii koncentresas en poka regioni: Termoli, Campobasso-Bojano, Campobasso-Ripalimosani e Venafro-Pozzilli.

Naturala ambiento preske netushita e neexisto di polutajo esas atraktivi por turisti, nome plajala urbeti Termoli, Campomarino, Montenero di Bisaccia e Petacciato, e montala loki Campitello Matese e Capracotta, e la nacionala parko di Abruzzo, Lazio e Molise.