José Velázquez Jiménez, di qua artistala nomo esas José Vélez, esas Hispana kantistulo naskita ye la 15ma di novembro di 1951 en Telde (Gran Canaria, Kanarii).

José Vélez

Finante la 60-ala yari la muzik-instruisto di yunala organizuro formacis muzik-grupo kun sua lernanti, inter li, José Vélez. Ca grupo nomesis “Maravilla” ma pos kurta tempo la grupo cesis agar e José komencis sua kariero kom kantisto.

Lu partoprenis en la kansono-konkurso "Festival de la canción de la Isla de Palma", ube sucesis. Evante 17 yari lu partoprenis en la kansono-konkurso "Festival Salto a la fama de Madrid", ube nove sucesis. En 1976 lu publikigas sua unesma disko, "Vino Griego". En 1977 partoprenis en la kansono-konkurso de Sopot, Polonia vinkante danke la kansono "Romántica".

Lu reprezentis a Hispania en la kansono-konkurso Eurovisión en 1978 kun la kansono "Bailemos un vals”.

Lu ofte koncertas tra Amerika, ube lu sufris infarkto.

En 2005 lu celebris sua 30 yari kom kantisto per koncerti tra Hispania, Latinoamerika e Usa.

Dum sua agado lu atingis 19 platina diski e 32 ora.

Strado en Telde recevis lua nomo.