Euroviziono-Konkurso di Kansono
La Euroviziono-Konkurso di Kansono (EKK) (Angliana: Eurovision Song Contest; Franciana: Concours Eurovision de la chanson) esas omnayara konkurso kreita da Marcel Bezençon en 1955, organizata dil Europana Brodkast-Uniono e brodkastata per la reto Euroviziono. On ofte surnomizas ica konkurso per la simpla vorto "Euroviziono".
L'unesma konkurso brodkastesis en 1956 en Suisia: Lys Assia divenis la unesma vinkinto dil konkurso per sua kansono Refrain. La konkurso inspiresis del Sanremo muziko-festivalo, la maxim granda muziko-konkurso en Italia, qua komencis en 1951.
La konkurso esas un ek la maxim anciena brodkasturi en la mondo, e la maxim importanta muzikala konkurso ulatempe organizata. Lua suceso transiris la frontieri dil Europana kontinento ed inspiris multa altra muzikala konkursi.
ReguliRedaktar
KansoniRedaktar
- La kansoni elektesas lor landa selekti organizata dal partoprenanta brodkasterii. Olci decidas ipsa e libere pri la organizo e la formo di ca selekti.
- La kansoni ne darfas komercesar ante la 1ma di septembro de la preiranta yaro.
- La maxima duro di singla kansono esas tri minuti.
- Singla brodkasterio esas libera decidar la linguo en qua lua konkursanto kantos.
- La texto e la prezento dil kansoni ne darfas detrimentar la konkurso o la Europana Brodkast-Uniono. Interdiktesas inkluzar: ula vorto o gesto politikal o simila; ula insulto o neaceptebla dicajo; ula reklama mesajo.
ArtistiRedaktar
- Omna konkursanta artisti devas evar adminime 16 yari lor la dio dil finalo.
- Nula artisto darfas konkursi por plu kam un lando ye ula yaro.
PleiRedaktar
- Singla pleo darfas kontenar admaxime sis homi sur la ceneyo.
- Nula vivanta bestio toleresas sur la ceneyo.
- La artisti pleas e kantas direte (live) sur la ceneyo kun enrejistrita muziko (sen pleanta muzikili).
- La enrejistrita muziko devas kontenar nula voco o nula vocal imituro.
VinkintiRedaktar
Listo pri la vikintiRedaktar
* Ye 1969 quar konkursanta landi vinkis.
Listo di la vinkinta landiRedaktar
Totala vinki | Lando | Yaro/i |
---|---|---|
7 | Republiko Irlando | 1970, 1980, 1987, 1992, 1993, 1994, 1996 |
6 | Suedia | 1974, 1984, 1991, 1999, 2012, 2015 |
5 | Francia | 1958, 1960, 1962, 1969, 1977 |
Luxemburgia | 1961, 1965, 1972, 1973, 1983 | |
Nederlando | 1957, 1959, 1969, 1975, 2019 | |
Unionita Rejio | 1967, 1969, 1976, 1981, 1997 | |
4 | Israel | 1978, 1979, 1998, 2018 |
3 | Dania | 1963, 2000, 2013 |
Norvegia | 1985, 1995, 2009 | |
2 | Austria | 1966, 2014 |
Germania | 1982, 2010 | |
Hispania | 1968, 1969 | |
Italia | 1964, 1990 | |
Suisia | 1956, 1988 | |
Ukraina | 2004, 2016 | |
1 | Azerbaijan | 2011 |
Belgia | 1986 | |
Estonia | 2001 | |
Finlando | 2006 | |
Grekia | 2005 | |
Latvia | 2002 | |
Monako | 1971 | |
Portugal | 2017 | |
Rusia | 2008 | |
Serbia | 2007 | |
Turkia | 2003 | |
Yugoslavia | 1989 |
SloganiRedaktar
Depos 2002 (ecepte 2009) la Konkurso introduktis slogani. La slogani referas la temo di la Konkurso por ita yaro.
Yaro | Hosta lando | Slogano | Slogano en Ido |
---|---|---|---|
2002 | Estonia | A Modern Fairytale | Moderna feala rakonto |
2003 | Latvia | Magical Rendezvous | Magiala rendevuo |
2004 | Turkia | Under The Same Sky | Sub la sama cielo |
2005 | Ukraina | Awakening | La vekigado |
2006 | Grekia | Feel The Rhythm! | Sentez la ritmo! |
2007 | Finlando | True Fantasy | Vera fantazio |
2008 | Serbia | Confluence of Sound | Juntopunto di sono |
2010 | Norvegia | Share The Moment! | Partigez l'instanto! |
2011 | Germania | Feel Your Heart Beat! | Sentez vua kordio pulsar! |
2012 | Azerbaijan | Light Your Fire! | Acendez vua fairo! |
2013 | Suedia | We Are One | Ni es una |
2014 | Dania | #JoinUs | #UnionasNi |
2015 | Austria | Building Bridges | Konstruktadas ponti |
2016 | Suedia | Come Together | Venez kune |
2017 | Ukraina | Celebrate Diversity | Celebrez diverseso |
2018 | Portugal | All Aboard! | Omni sur la navo! |
2019 | Israel | Dare To Dream | Audacez revar |
2020 | Nederlando | Open Up! | Apertu vi! |
2021 | Nederlando | Open Up! | Apertu vi! |
Extera ligiliRedaktar
http://www.eurovision.tv - la oficala retosituo