Jacksonville, Florida
| Jacksonville | ||
| ||
| Kelk imaji pri Jacksonville. | ||
|
| |
| Standardo | Blazono | |
| Lando: |  Usa
| |
| Stato: | Florida | |
Informo:
| ||
| Latitudo: | 30°20'23"N | |
| Longitudo: | 81°39'41"W | |
| Altitudo: | 5 m | |
| Surfaco: | 2264,8 km² | |
| Habitanti: | 949 611 (2020) | |
| Denseso di habitantaro: | 454,89 hab./km² | |
| Horala zono: | UTC-5 (UTC -4 dum la somero) | |
| Urbestro: | Donna Deegan (D) | |
Mapo:
| ||
| ||
Oficala retosituo:
| ||
| www.coj.net | ||
Jacksonville esas urbo en la komtio Duval, Florida, Usa. Ol ank esas la maxim populoza urbo dil stato. Segun statistiki dil yaro 2017, ol havis 892 062 habitanti. Lua tota surfaco esas 2 264,8 km², equivalanta a 874,46 mi², di qui 1935,49 km² (747,3 mi²) esas lando e la cetera esas aquo. Geografiale, ol esas la maxim granda urbo Usana segun areo, de la 48 kontinentala stati.
Jacanta cirkume 40 km sude de la frontiero kun Georgia e 550 km norde de Miami, lua nomo homajas Andrew Jackson, l'unesma guvernisto di Florida e la 7ma prezidanto di Usa.
L'originala nomo dil urbo esis Cowford. Kelkafoye on dicas simple Jax.
Geografio
redaktar.jpg)
La reliefo di Jacksonville esas plana, jacanta an la du rivi di fluvio St. Johns, la maxim longa fluvio di Florida. La kompozuro di lua sulo esas precipue sablo ed argilo. Jacksonville komplete cirkondas urbeto Baldwin (5,24 km²). Lua mezavalora altitudo esas 5 metri super la marala nivelo.
La klimato dil urbo esas humida subtropikala (Cfa segun la klimatala klasifikuro da Köppen). La mezavalora temperaturo en julio (somero) esas 28,1°C, kontre ke la mezavalora temperaturo en januaro (vintro) esas 12,3°C.
La pluvoza sezono iras de junio til oktobro. La mezavalora yarala pluvo-quanto esas 1356 mm, e la maxim pluvoza monati esas junio (mezavalore 193 mm) e septembro (mezavalore 192 mm).
Demografio
redaktarSegun la demografiala kontado di 2010, esis 821 784 personi e 366 273 hemanari en la urbo. La denseso di habitantaro esis 424,5/km². Esis 308 826 domi kun mezavalora denseso di 157.4/km² (407.6/mi²). Segun raso, esis 64.48% Blanki, 29.03% Negri od Afrikan-Usani, 0.34% indijeni Amerikana, 2.78% Aziani, 0.06% Pacifik-insulani, 1.33% de altra rasi, e 1.99% de du o plura rasi, e 4.16% de la habitantaro esis Hispan-Amerikani o Latin-Amerikani de irga raso.
Segun la demografiala kontado di 2000, esis 284 499 hemanari, di qui 33.9% havis pueri od adolecanti evante min kam 18 yari en la domo, 46.7% esis mariajita e habitis kune; en 16.0% muliero sen spozulo esis la domo-chefo, e 33.0% esis ne-familii. En 26.2% de omna hemanari vivis unika sola individuo, e 7.7% habitesis da ulu evante 65 yari o pluse qua vivis sole. La mezvalora grandeso po hemanaro esis 2.53 personi e la mezvalora grandeso po familio esis 3.07 personi.
La procento di habitanti segun evo esis: 26.7% evante min kam 18 yari, 9.7% de 18 til 24 yari, 32.3% de 25 til 44 yari, 21.0% de 45 til 64 yari, e 10.3% evante 65 yari o pluse. La mezvalora evo esis 34 yari. Po singla 100 mulieri esis 93.9 viri. Po singla 100 mulieri evante 18 yari o pluse esis 90.6 viri.
La mezvalora revenuo po hemanaro en l'urbo esis $40,316, e la mezvalora revenuo po familio esis $47,243. La mezvalora revenuo por la viri esis $32,547 kontre $25,886 por la mulieri. La revenuo per capita por la urbo esis $20,337. Cirkume 12.2% de la habitantaro e 9.4% de la familii vivis sub la povreso-lineo, inkluzite 16.7% ek omna habitantaro evante min kam 18 yari, e 12.0% ek omna habitantaro evante 65 yari o pluse.
Jurnali
redaktar- Diala
- The Florida Times-Union
- The Daily Record
- Semanala
- Folio Weekly
- Jacksonville Free Press
- Jacksonville Business Journal
- The Jacksonville Advocate
- The Florida Star
Monatala
- Jacksonville Magazine
Televiziono-brodkasteri
redaktar- WJXT Kanalo 4,
- WUFT Kanalo 5, de PBS
- WJCT Kanalo 7, de PBS
- WTLV Kanalo 12, de NBC
- WJWB Kanalo 17
- WPXC Kanalo 21
- WJXX Kanalo 25,
- WAWS Kanalo 30, Fox Broadcasting Company
- WTEV Kanalo 47
- WJEB Kanalo 59
