Ivo Josipović
| Ivo Josipović | ||
.jpg)
| ||
Prezidanto di  Kroatia
| ||
| Guvernisteso: | de la 19ma di februaro 2010 til la 18ma di februaro 2015 | |
| Precedanto: | Stjepan Mesić | |
| Sucedanto: | Kolinda Grabar-Kitarović | |
| Personal informi | ||
| Naskodato: | 28 di agosto 1953 | |
| Naskoloko: | Zagreb, Kroatia | |
| Spozo: | Tatjana Josipović | |
| Profesiono: | judiciero, kompozisto, politikisto | |
| Politikala partiso: | Socijaldemokratska partija Hrvatske | |
Ivo Josipović esis prezidanto di Kroatia de 2010 til 2015. Il naskis en 1957 en Zagreb.
Josipović studiis la yuro-cienco en la universitato en Zagreb. Il finis la studio en la yaro 1980. Josipović obtenis la titulo di doktoro en la yaro 1994. Il instuis internacia yuro en l'universitato di Zagreb.
Josipović anke studiis muziko en la musikala akademio en Zagreb. Il kompozis klasikala muziko por diversa instrumenti, por chambro-muzikala e simfoniala orkestri. Il anke docas en la musikala akademio en Zagreb.
Josipović adheris ad Uniono di Komunisti di Yugoslavia en 1980. Il anke devenis membro di la Socijaldemokratska partija Hrvatske (Socialdemokrata Partiso di Kroatia, SDP), qua esas la sucedala partiso di la Komunisti en Kroatia. Ma il abandonis la politiko e la Socialdemokrati en la yaro 1994.
Dum la yaro 2003 Josipović retroiris en la politiko pro invito di la lora prezidanto di Socialdemokrati Ivica Račan e devenis membro di la kroata parolamento por la Socialdemokrata Partiso di Kroatia en la sama yaro. Il esis la vice-prezidanto di la parolamentala klubo di socialdemokrati en la kroata parolamento.
En 2005 il anke elektesis membro di la municipala konsilistaro di la chef-urbo Zagreb. En la yaro 2007 il itere elektesis por la Kroata parolamento. Erste dum la yaro 2008 il itere formale devenis membro di la Socialdemokrata Partiso. En la sama yaro il elektesis kom oficala kandidato di la Socialdemokrata Partiso por la posteno di la prezidanto di Kroatia.
Ye la 10ma di januaro 2010 Josipović elektesis kom prezidanto kun 60 % ek la voti en la duesma rondo dil elekti kontre l'urbestro di Zagreb Milan Bandić. En l'unesma rondo ye la 27ma di decembro 2009 Josipović recevis 34,5 % ed anke esis la kandidato kun la maxim multa voti. La moto di Josipovic en sua elektala kampanio esis “Nova yusteso”. Ilu promisis duktar sua lando en l'Europana Uniono e bataliar kontre la korupteso en Kroatia.
Ivo Josipović esas mariajata e havas un filino, qua nomizas Lana. Ilua spozino Tatjana esas profesorino di yurala cienco.