Internet Relay Chat

Internet Relay Chat (IRC) esas formo di instantala komunikado per reto. Ol kreesis por grupo-komuniko en diskuto-forumi nomizita kanali, ma anke posibligas komuniko inter nur du personi.

IRC kreesis da Jarkko Oikarinen (surnomo "WiZ") en agosto 1988 por remplasar programo nomizita MUT (MultiUser Talk). Oikarinen trovis inspiro en Bitnet Relay Chat, quo operis en la reto Bitnet.

IRC konocesis kande on uzis ol tra la Fera kurteno por anuncar la falo di Sovietia. Ol pose uzesis simile da la Kuwaitani durante la invado da Irak.

Reti

Nun existas plura mili di IRC reti en la mondo. Oli uzas diferanta tipi di IRC-servili, ed administresas da plura grupi di IRC-operaceri, ma la faconi por acesar la reti por IRC-uzeri esas similega, ed omna IRC-reti povas esar acesata da la sama klienta software.

Tamen, pos lua "ora epoko", de la yari 1990ma til la komenco dil yari 2000ma, komencis la dekado di IRC. De 2003 til 2012 la sistemo perdis cirkume 60% de lua uzeri, qua nune preferas la nomizita "sociala reti", quale Facebook e Twitter.

Por plusa statistiki, ranki, e listo di plu mikra reti, vu videz netsplit.de e Search IRC.

Klienti

• Multa platformi: ChatZilla, Gaim, jIRC, KVIrc, PJIRC, savIRC, X-Chat
• Microsoft Windows: Bersirc, dIRC, HydraIRC, IceChat, Klient, Microsoft Comic Chat, Miranda IM, mIRC, pIRCh, TinyIRC, Trillian, ViRC, XiRCON
• Unix: BitchX, Epic, IIRC, ircII, irssi, Kopete, naim, ScrollZ, TalkSoup, Zircon
• Mac OS: Colloquy, Conversation, Fire, IRCle, Minerva IRC, ShadowIRC, Snak, X-Chat Aqua, Xirc
• OS/2: EZIRC, GTIRC, IRC/2, Openchat/2
• AmigaOS: AmIRC
• BeOS: Baxter, BIRCH, Bowser, Felix, Vision
• DOS: ircabi, jpirc
• MenuetOS: AIRC