Incheon

Incheon
Kelk imaji pri Incheon.
Lando:	Sud-Korea
Informo:
Latitudo:	37°29'N
Longitudo:	126°38'E
Altitudo:	45 m
Surfaco:	1029.43 km²
Habitanti:	3 002 645 (2017)
Denseso di habitantaro:	2900 hab./km²
Disto de Seoul:	(rekta lineo) 27 km
Horala zono:	UTC+9
Urbestro:	Yoo Jung-bok
Mapo:
Oficala retosituo:
incheon.go.kr

Incheon esas granda urbo en Sud-Korea, jacanta proxim la chef-urbo Seoul. Ol havas la maxim granda aeroportuo di Sud-Korea ed importanta portuo. Segun statistiki de januaro 2017, ol havis 3 002 645 habitanti. En 1883, kande lua portuo inauguresis, ol esis vilajo di peskisti kun nur 4.700 habitanti.

Treno Maglev an l'aeroportuo di Incheon.

L'Aeroportuo Internaciona di Incheon inauguresis en marto 2001, ante la Mondala Kupo di Futbalo. Ol distas 48 km de Seoul e recevis 40 785 983 voyajanti en 2014, esanta la 8ma maxim uzata aeroportuo del mondo..

Pro ke ol esas vicina a Seoul, linei di urbala fervoyo ligas la du urbi. La metropolala regiono Seoul-Incheon esas la 4ma maxim populoza de la mondo.

Geografio

Portuo di Incheon

La reliefo di Incheon esas partale kolinoza. Distrikto Bupyeong-gu separesas de la centro dil urbo per monti Wonjeok, Gwanggwang e Geomasan. Weste, kelka tereni rezultis de terpleno di arei olim kovrita dal maro.

Incheon jacas inter klimati humida subtropikala (Cwa, segun la klimatala klasifikuro da Köppen) e humida kontinentala (Dwa, segun la klimatala klasifikuro da Köppen). La mezavalora temperaturo en januaro (vintro) esas -1,5°C, kontre ke la mezavalora temperaturo en agosto (somero) esas 25,6°C.

La pluvoza sezono iras de mayo o junio til septembro. La mezavalora yarala pluvo-quanto esas 1207,4 mm, e la maxim pluvoza monato esas julio, kun mezavalore 337,7 mm.