Heinz Jacob
Heinz Jacob o plu tarde Henry Jacob esis eminenta Germana-Angliana Idisto. Ilu naskis ye la yaro 1909 e mortis ye la yaro 1993. Il esis la fratulo di Max Jacob e filiulo di Hermann Jacob ed Else Jacob. La tota familio parolis Ido ed omni laboris por la linguo e partoprenis la Ido-movemento en Berlin.
Max e Heinz exekutis importanta laboro redaktal ed imprimal por Ido-Centrale, imprimerio ed editerio fondita ed olim proprietata da lua patro Hermann. Li anke kunredaktis Mikra Buletino, importanta Ido-revuo monatala qua aparis inter 1923 e 1936. Pro la politikale kondicioni en Germania pos 1933 la familio Jacob livis Germania.
Heinz Jacob laboris en Anglia e divenis chefo di mikra impremerio. Il mariajis kun la Britaniana Idistino May Spillane qua esis aktiva en la Angla Ido-movemento. Il asumis la funciono dil redaktero di Progreso di qua kunredaktero il ja esis antee. Ma la komenco di la Duesma mondomilito en la yaro 1939 haltigesis la aktiveso di Heinz Jacob kom redaktero di Progreso. Kom Germano il enkarcerigesis e transportesis ad Australia. Il povis retrovenar ad Anglia e recevis la civitaneso dil Unionita Rejio. Heinz Jacob divenis Anglo e chanjis oficale sua nomo en Henry Jacob.[1].
Henry Jacob komencis laborar kom jurnalisto, ma durigis sua laboro por Ido. Il esis plura yari itere redaktero di Progreso, membro dil Direktanta Komitato dil ULI e dil Ido-Akademio. Henry Jacob esis de 1973 til 1987 prezidanto di idala mondala asociuro Uniono por la Linguo Internaciona Ido.[2]
Heinz Jakob esis specialisto pri linguistiko ed esis autoro di multa verki.
Verki redaktar
- Internationale Werbung und Sprachenpsychologie : Weltsprache Ido. Berlin-Charlottenburg : Deutscher Ido-Bund e.V., circum 1932 (2ma edituro)
- Esperanto-Ido : lexiko komparanta di la du internaciona helpolingui, kun la afixi, la tabelo di la korelativa vorti e la kompleta gramatiko ek la Fundamento = Esperanto-Ido : vortaro kompara de la du internaciaj helplingvo. Berlin-Charlottenburg, 1934.
- Esperanto-Idovortaro. vortaro de lexiko da Heinz Jacob, 1934.
- Mil vorti Ido. Uniono por la Linguo Internaciona (Ido). Loughton, 1939.
- On the choice of a common language. New Education Fellowship. London, I. Pitman, 1946.
- A planned auxiliary language. London : D. Dobson Limited, 1947.
- Kontributaji a la studio di la historio di nia linguo. Editerio Progreso / 1987, Uniono por la Linguo Internaciona (Ido).
- Pri la futura developo di lingui nacionala e lingui konstruktita. Editerio Progreso / 1992, Uniono por la Linguo Internaciona (Ido).