Apertar la precipua menuo
George Town
Business Area of George Town.jpg
Komercala edifici en George Town.
Lando: Flag of the Cayman Islands.svg Insuli Kaiman
Informo:
Latitudo: 19°18'12" N
Longitudo: 81°23'11" W
Altitudo: 3 m
Surfaco: 29 km²
Habitanti: 28 836 (2007)
Denseso di habitantaro: 990 hab./km²
Horala zono: UTC-5
Mapo:
Mapo di George Town
• George Town
La portuo di George Town.

George Town esas la chef-urbo dil Insuli Kaiman. Segun statistiki de 2007, ol havis 28 836 habitanti. Entote lua surfaco esas 29 km².

L'urbo esas la centro di la financal aferi dil Insuli Kaiman: cirkume 600 banki ed altra entraprezi - multafoye filiali de exterlanda kompanii - enrejistresas en la urbo. Tamen, multa ek ta filiala kompanii konsideresas "maskili" por celar la vera origino di parti de la profiti de lua chefa kompanii, e ne pagar imposti en lua originala landi.

Ultre la financala agadi, la duesma maxim importanta fonto di revenuo por l'Insuli Kaiman esas turismo.

GeografioRedaktar

 
Aeral imajo pri George Town, en 1996.

La reliefo di George Town esas plana. La limiti dil urbo iras adeste til la bordo dil distrikto South Shore proxim l'aeroportuo Owen Roberts, adweste til la plajo Seven Mile, ed adsude til la bayo Hog Sty.

La klimato dil urbo esas tropikala (Aw segun la klimatala klasifikuro di Köppen), kun mezavalora temperaturi inter 25,8°C en januaro e 29,7°C en julio.

La mezavalora yarala pluvozeso esas 1427,5 mm, e la maxim pluvoza monato esas septembro, kun mezavalore 222 mm. La min pluvoza monato esas aprilo, kun mezavalore 32,3 mm.