Floris la 5ma

Floris la 5ma, komto di Holando en Zelando (la 24ma di junio 1254 til la 27ma di junio 1296), filiulo di Willem la 2ma di Holando, esis notinda en la historio di Holando.

Floris 5ma komto di Holando; desegnuro de 1578

La regno di Floris esis pacoza. Il surnomizesis ‘la kerlo di deo’ ed il demarshis plubonigar la stando di rurani, egarde administrado e komerco. En dokumento de la 27ma di oktobro 1275, il grantis a peskisti en la vicinajo di Amsterdam dispenso de pas-taxi.

Il sucesis juntar regioni di la Westfriziani, Kennemerland ed Amstellandani e Waterlandani a Holando.

Pro chanjo di ilua exterlandala politiko, nekontenta enlandala nobeli (Gijsbrecht van Amstel, Gerard van Velsen) obtenis suficant exterlandala susteno por organizar konspiro kontre lu. En 1296 il kaptesis da rivala nobeli de vicina regiono, en komploto qua relatis konkurso inter Floris e rejulo Edward la 1ma di Anglia, pri lano-komerco. Floris balde ocidesis. Pos lua morto il esis multe estimata dal rurani di Holando, e dum la sequanta yarcenti inspiris teatraji e libri en Nederlando.