Facebook es sociala reto en la interreto. Ol fondesis ye la 4ma di februaro 2004 da la studento Mark Zuckerberg en Usa.

Logotipo di Facebook.
Sideyo di la kompanio Meta Platforms, Inc., proprietanto di Facebook, en Menlo Park, Kalifornia.

Che Facebook omna uzanto povas krear personala pagino kun texti e imaji gratuite. La uzanto kreas profilo kun sua personala preferi e partigar ti informi kun altra uzanti qui povas divenar lua amiki.

Ye la komenco dil yaro 2018 Facebook havis plu kam 2,5 miliardi aktiva uzanti.

La firmo Meta Platforms, Inc., olim Facebook Inc., havas sua sideyo en Menlo Park, Kalifornia. Facebook esas populara loko en la interreto por sociala kontakti ed aktivesi. La reto esas anke komunikilo pro ke la uzanti anke povas babilar per Facebook. La firmo Meta anke proprietas la sociala reti Instagram e WhatsApp.

Quankam Facebook esas gratuita, la firmo havas granda profito per la vendo de la personala datumi di sua membri ad altra firmi. Pro to Facebook kritikesas ofte pro la delikto kontre la protekto de personala datumi di sua membri.

Facebook anke divenis influanta instrumento por politikala kampanii da politikisti, politikala organizuri ed altra organizuri.

Facebook ed Ido redaktar

 
Mark Zuckerberg, fondinto di Facebook.

Facebook esas anke populara instrumento por propagar Ido. Che Facebook esas plura aktiva grupi de Idisti. La maxim granda grupo Ido, havis 385 membri ye la 24ma di aprilo 2020.

Videz anke redaktar

Ligili redaktar