Fabrikerio o manufakturo esas granda laboreyo en qua fasonesas, manue, ula produkturi qui postulas kelka delikateso laborala. Granda parto di moderna fabrikerii havas granda depozeyi o simila loki qua kontenas granda mashini uzata por asemblo-lineo produkto. Kostume, fabrikerii koncentras laboristi, mashinaro e kapitalo.

Fabrikerio di Volkswagen en Wolfsburg, Germania.

L'arsenalo di Venezia, fondita ye 1104, esas konsiderata un di la maxim anciena exempli di moderna fabrikerii. Ol produktis navi en granda skalo ed uzis mashinari ed asemblis parti desjuntite manufakturita. L'unesma exempli di fabrikerii por komercaji aparis dum komenco di industriala revoluciono en Anglia.