Ekonomio di Salvador
| Ekonomio di Salvador | ||
|---|---|---|
| Pekunio | Dolaro di Usa | |
| Internaciona organizuri | MOK, CAFTA-DR | |
| Statistiki [1] | ||
| Totala nacionala produkturo (TNP) | US$ 57 371 milioni (2021) | |
| Rango TNP | 110ma[2] maxim granda | |
| Kresko di TNP | 10,28% (2021) | |
| TNP po persono | US$ 9 100 (2021) | |
| TNP segun sektoro | agrokultivo 10,6%, industrio 25,3%, servadi 64,1% | |
| Inflaciono | 3,47% (2021) | |
| Habitantaro sub la povreso-lineo | 22.8%% (2019) | |
| Laboro-povo | 2 658 000 (2021) | |
| Laboro-povo segun okupo | nekonocata | |
| Chomeso | 5,94% (2021) | |
| Komercala parteneri [1] | ||
| Exportaci (US$) | 8 491 milioni (2021) | |
| Precipua parteneri | Usa 40%, Guatemala 15%, Honduras 15%, Nikaragua 6% (2019) | |
| Importaci (US$) | 15 754 milioni (2021) | |
| Precipua parteneri | Usa 30%, Popul-Republiko Chinia 14%, Guatemala 13%, Mexikia 8%, Honduras 6% (2019) | |
| Publika financi [1] | ||
| Extera debo | 16,32 miliardi (2016) | |
| Revenuo totala (US$) | 5,886 miliardi (2017) | |
| Spenso totala (US$) | 6,517 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Salvador esas la 4ma maxim granda de Central-Amerika, dop Panama, Kosta Rika e Guatemala. Til la yari 1960a, kafeo esis la precipua produkturo por exportaco, ma pos la yari 1970a e 1980a altra kultivita produkturi e precipue manufakturita produkturi divenis plu importanta. Nun, la lando produktas inkluzite mikonduktili e medikal equipuri por exportaco. Pesko developesis multe dum recenta yari, pos la kreo di pesko-entraprezi kun pekunio furnisita dal Banko Inter-Amerika pri Developo (BID). Parto ek la produktado exportacesas, nome krustacei.
En 2001, Salvador adoptis dolaro di Usa kom monetaro, e perdis lua kontrolo super monetarala politiko[1]. La lando stimulis libera merkato e kolokado, e privatigis la sektori di telekomuniki, elektro, banki e la sistemo di pensioni[1]. Pekunio sendita dal Salvadorani qui laboras exterlande reprezentis 17,1% de la TNP en 2016, e cirkume 1/3 ek la familii recevis ol.
L'ekonomio Salvadorana diminutis per 3.1% en 2009 pro la globala deskresko ekonomiala, e pro la forta dependo dil exportaci vers Usa. De 2010 til 2014 l'ekonomio kreskis min kam 2% omnayare, ma rekuperis de 2015 til 2016, kande ol kreskis 2,4%.[1] En 2020, l'ekonomio deskreskis per 8,18%, konseque de pandemio di KOVID-19. En 2021 la lando rekuperis su, e l'ekonomio kreskis per 10,28%[1].
En 2021, la lando recevis 40-milion-dolara presto del Europana Koloko-Banko (European Investment Bank) por stimular mikr-entraprezi e projeti por prezervar l'ambiento. Ter-tremi, tropikala tempesti e kriminozeso ofte minacas ekonomiala stabileso[1].
Referi
redaktar- ↑ 1,0 1,1 1,2 1,3 1,4 1,5 El Salvador - The World Factbook - Publikigita da CIA. URL vidita ye 8ma di aprilo 2023.
- ↑ https://www.cia.gov/the-world-factbook/field/real-gdp-purchasing-power-parity/country-comparison