Britaniana teritorio che Indiana Oceano

La Britaniana teritorio che Indiana Oceano esas transmara teritorio apartenanta ad Unionita Rejio, jacanta an la duimo de la disto inter Tanzania ed Indonezia, e distanta 500 km sude de Maldivi. La teritorio konsistas ek sep atoli kun plu kam 1 000 insuleti e tota surfaco di 60 km².

Britaniana teritorio en Indiana Oceano.
L'arkipelago Chagos.

La maxim granda e maxim sudala insulo esas Diego Garcia, kun 44 km², qua esas sideyo di militara bazo uzata da Usa ed Unionita Rejio. Pos ke Britaniani konquestis India, la teritorio enkorpigesis a ca kolonio. L'atoli Chagos, Aldabra, Farquhar e Desroches duris sub Britaniana suvereneso pos la nedependi di Pakistan, India, Ceylon e Maldivi. Ye la 23ma di junio 1976, Aldabra, Farquhar e Desroches donesis a Seycheli kande ca lando nedependanteskis. Pro to, nun la teritorio nur konsistas ek l'arkipelago Chagos ed altra insuleti, la maxim multa ek li sen habitanti.

Marala uceli che l'insulo South Brother.