Batalio di Tannenberg
| Batalio di Tannenberg | |||
| |||
| Kanoni e militala kaptiti Rusa pos la batalio di Tannenberg. | |||
| Konflikto: | unesma mondomilito | ||
| Dato: | de la 26ma til la 30ma di agosto 1914 | ||
| Loko: | proxim Tannenberg, Estala Prusia. | ||
| Rezulto: | Decidigiva vinko Germana. Rusi perdis plu kam 170 mil soldati. | ||
.svg){kind=small} Germana imperio
|
↔ | Rusa imperio | |
| Paul von Hindenburg Erich Ludendorff Max Hoffmann Hermann von François |
↔ | Alexandr Samsonov † Paul von Rennenkampf | |
| 8ma Armeo: 150 mil soldati |
↔ | 1ma Armeo: 210 mil soldati 2ma Armeo: 206 mil soldati | |
| 12 mil mortinti e vunditi | ↔ | plu kam 170 mil soldati | |
La batalio di Tannenberg o duesma batalio di Tannenberg esis batalio eventinta de la 26ma til la 30ma di agosto 1914 inter ruso (1ma e 2ma armei) e Germana imperio (8ma armeo) dum la komenco dil unesma mondomilito, proxim vilajeto Allenstein, che Estala Prusia. Ca batalio esis multe importanta dum tota milito, e rezultis la kompleta destrukto di la 2ma armeo Rusa. Posa batalii rezultis anke la destrukto preske kompleta di la 1ma armeo rusa, e kreis granda militala desfacilesi por Rusa imperio til la printempo di 1915.
Ca konfronto esis notinda pro la rapida mobilizo di Germana trupi, qui transportesis per ferovoyo. To posibligis ke singla armeo Germana povis kombatar du armei Rusa plu granda, tamen plu lenta en lia movi. Altra importanta faktoro esis la febla sistemo di kodexi uzita da Rusa armeo, qui facile dechifresis dal Germani.
Malgre ke la batalio fakte eventis proxim la vilajo Allenstein, kontre ke Tannenberg distas 30 kilometri weste, Germana komandinti nomizis ol «batalio di Tannenberg» pro propagando-motivi, e moderar la rimemorigo di la vinkeso di Germana kavalieri da trupi Polona-Lituana, che batalio samnoma eventinta en 1410.