Batalio di Shanghai

Batalio di Shanghai
Shanghai1937IJA ruins.jpg
Tranchei Japoniana en la stradi di Shanghai.
Konflikto: duesma milito Chiniana-Japoniana
Dato: de la 13ma di agosto til la 26ma di novembro 1937
Loko: Shanghai, Republiko Chinia
Rezulto: japoniana vinko
Militanti
Republiko Chinia Flag of Japan.svg Japonia
Komanderi
Chiang Kai-shek
Chang Chih-chung
Chen Cheng
Feng Yuxiang
Heisuke Yanagawa
Iwane Matsui
Kiyoshi Hasegawa
Trupi/equipuri
700 til 750 mil soldati
180 avioni
40 tanki
300 mil soldati
500 avioni
300 tanki
130 navi
Perdaji
187,2 mil morti e 83 mil vunditi (oficala nombro) Oficala dati Japoniana: plu kam 59 493 soldati
Oficala statistiko Chiniana: 98 417, inter morti e vunditi
{{{perdaji}}}

La batalio di Shanghai (Japoniane: 第二次上海事変, transliterizita Dai-niji Shanhai jihen, literale ‘duesma incidento di Shanghai’; Chiniane: 淞滬會戰, Sōnghù Huìzhàn, "batalio di Songhu") esis l'unesma importanta konfronto inter Nacional Armeo Chiniana e Japonian armeo dum la duesma milito Chiniana-Japoniana. Unesmafoye Chiniani probis haltigar l'avanco di Japoniani en Chinia en 1937, durinta de l'incidento che ponto Marco Polo.

Pos vidar kam facila esis por Japoniani anexar teritorii Chiniana, Chiang Kai-shek komencis retretar lua trupi vers doplanda Chinia. Probante ganar tempo e levar la moralo di lua soldati, lu sendis lua maxim bona trupi a Shanghai, kun skopo posibligar l'evakuo di multa industrii vers altra regioni. Dum la sequanta tri monati, la centrala quartero di Shanghai, la suburbi dil urbo e la rivo di Jiangsu esis loki por un ek la maxim brutala batalii de la 20ma yarcento.

Sen granda suporto artilriala ed aerala, Chinian armeo perdis lua maxim bona trupi dum ca batalio, sen recevar irga internaciona suporto. Altralatere, Japoniana trupi konfrontis neexpektita rezisto Chiniana, nam li projetis kaptar Shanghai en min kam 1 semano. Ca batalio reprezentis la komenco di feroca rezisto kontre Japonian avanco en Chinia ed, inter altra efekti, stimulis Japoniana militisti okupar Europana kolonii en sud-estal Azia.