Baskiana linguo
| Baskiana linguo | |||
|---|---|---|---|
| euskara | |||
| Parolata en: | nord-Hispania, sud-westa Francia | ||
| Regiono: | Europa | ||
| Quanto di parolanti: | 700.000 (1ma linguo) 1,03 milioni (1ma e 2ma linguo) | ||
| Oficala stando | |||
| Oficala linguo en: | Baskia, Hispania | ||
| Regulata da: | Euskaltzaindia | ||
| Kodexi | |||
| ISO 639-1: | eu | ||
| ISO 639-2: | eus | ||
 | |||
| Videz anke: – Linguaro | |||
Baska (en Baska: euskara) judikesas un ek la maxim antiqua lingui Europana. Ol havas nula simileso kun altra Europana lingui. Lua historio esas poke konocata. Ol skribesas per latinal alfabeto.
Dum yarcenti, Baska linguo recevis influi (nome vorti) de la lingui Latina, Hispana, Franca e Gaskoniana, tamen la gramatikala strukturo esas unika.
Pri l'origino di ta linguo, nunatempe uzata po quar kinimi en Hispania e po un kinimo en Francia, la misterio ne esis ja klarigita. Longatempe on kredis ke ta linguo esis la lasta restajo di la linguo dil Iberi, primitiva tribuo di la peninsulo Iberiana. Kompari facesis kun la lingua chamito-semidala quale la Berbera, kun diversa lingui Amerindiana, kun la Japona o la lingui Kaukazana. Ca lasta hipotezo esas nun maxim aceptita.
On parolas ta linguo - nomizata da la Baski "Euskara" od "Eskuara" en Hispania, en parto dil provinci Biscaye, Alava, Guipuzcoa e Navara ed en Francia, en la distrikto Bayonne e parti di Oloron. La granda ekmigro-movadi dil XIXma yarcento e dil komenco dil XXma, esis la fonto di komunesi Baska en la Peninsulo Iberiana tre longatempe ante l'invadi indo-europana; ta linguo esis atestita skribe de la Xma yar-cento, ma nur en kelka frazi desfacile interpretenda od en loko-nomi. L'unesma libro en Baska evas de 1545.
| Ica pagino uzas kontenajo de la revuo Progreso numero 310, publikigita sub la Creative Commons Licence 2.0. |