Bagdad

(Ridirektita de Baghdad)
Bagdad
Bagdad collage.jpg
Kelk imaji pri Bagdad.
Lando: Flag of Iraq.svg Irak
Informo:
Latitudo: 33°20'00"N
Longitudo: 44°26'00"E
Altitudo: 34 m
Surfaco: 673 km²
Habitanti: 8 126 755 (2018)
Horala zono: UTC+3
Mapo:
Mapo di Bagdad
Oficala retosituo:
https://amanatbaghdad.gov.iq

Bagdad o Baghdad esas la chef-urbo e maxim populoza urbo di Irak. Segun statistiki dil yaro 2018, ol havis 8 126 755 habitanti. Lua tota surfaco esas 673 km².

Moderna edifico en Bagdad.

Jacanta apud fluvio Tigris, proxim la ruini dil Akadiana urbo Babilonia e di Ctesiphon, anciena chef-urbo dil imperii Partiana e Sasanida, Bagdad konstruktesis dum l'8ma yarcento dal kalifo Al-Mansur, por esar chef-urbo dil kalifio Abasid. L'urbo rapide divenis importanta centro kulturala, komercala ed intelektala che Mohamedana mondo.

Lua nomo probable signifikas 'donajo de Deo' en Persa linguo. Pos Usana invado en Irak en 2003, komencis interna milito qua duris til 2011. Dum recenta yari, eventis multa rebela ataki en la urbo, qua divenis la min gastigema loko de la mondo por rezidar.

GeografioRedaktar

 
Verda arei proxim fluvio Tigris

La reliefo di Bagdad esas preske komplete plana, jacanta an amba rivi dil fluvio Tigris. La fluvio dividas ol en du: l'estala regiono konocesas kom "Risafa", kontre ke westala konocesas kom "Karkh". Lua mezavalora altitudo esas 34 metri super la marala nivelo.

La klimato dil urbo esas multe varma ed arida (BWh segun la klimatala klasifikuro da Köppen), kun prolongata someri e moderema til kolda vintri, kelke pluvoza. La mezavalora temperaturo en julio (somero) esas 34,8°C, kontre ke la mezavalora temperaturo en decembro (vintro) esas 11,2°C.

La pluvoza sezono iras de novembro til aprilo. La mezavalora yarala pluvo-quanto esas 156 mm, e la maxim pluvoza monato esas februaro e marto, kun mezavalore 28 mm.