Aulo (sociala uneso)

Por altra loki nomizita 'Aulo', videz Aulo (homonimo).

Aulo esas fundamentala uneso sociala konsistanta ek 20-100 pastori kun lia familii, qua funcionis mili yari en Euraziana stepo.

En un aulo vivis maxim proxima parenti, qua havis komuna proprajo e komuna responso pri bovi, mutoni e kavali. Privata proprajo di individuala familio maxim-multa-kaze esis specala tendo (yurto) kun olua kontenajo. Omna aulo kontenis kolonio di yurti, komuna herdo di bovi e mutoni, e cirkuma pastureyo. La nomada habitanti dil auli nomesis hordo.

Proporciono homi ad animalo en omna aulo esis konstanta – un pastoro e:

  • 5-6 bovi
  • 15-20 mutoni
  • 2-3 kavali (por transportar posedaji e tutelar herdo)

Nuntempa pastori en Kirgizistan, Mongolia e che nordala frontiero di Chinia vivis tre simila.

L'aulo en Euraziana stepo esis e esas ordinara neceseso pri existo. Un familio ne havus chanco travivar, e tro granda aulo (super 100 pastori) esus tro desfacila por administrar.

Decidiganta questiono por vivo dil auli esis e esas pastureyi, do li es nomada. Historie inter auli eventis (precipue dum senpluveso) kombati pri pastureyi. Nuntempe ecesa pastori migras ad urbi.