Ankara
Ankara 2016 genel kolajı.jpg
Kelk imaji pri Ankara.
Lando: Flag of Turkey.svg Turkia
Informo:
Latitudo: 39°52' N
Longitudo: 32°52' E
Altitudo: 938 m
Surfaco: 2516 km²
Habitanti: 5 270 575 (2015)
Denseso di habitantaro: 1.775,34 hab./km²
Horala zono: UTC+3
Urbestro: Mansur Yavaş (CHP)
Mapo:
Mapo di Ankara
Oficala retosituo:
http://www.ankara.gov.tr

Ankara esas la chefurbo e la duesma maxim populoza urbo di Turkia, dop Istanbul. Segun statistiki de 2015, ol havis 5 270 575 habitanti. Lua tota surfaco esas 2516 km².

La prezidantala biblioteko havas 4 milion libri, ed esas la maxim granda de Turkia.

Ankara divenis chef-urbo di la moderna Turkia ye la 23ma di aprilo 1923, kande la Granda Nacional Asemblo di Turkia instalesis ibe.

Lua nomo forsan devenas del Indo-Europana radiko ank ('hoko'). Nun, Ankara gastigas kelka ek la maxim importanta universitati di Turkia, exemple l'universitato di Ankara (publika, fondita en 1923) e l'universitato Atılım (privata, fondita en 1997).

HistorioRedaktar

La historio di la regiono komencis dum Bronz-epoko kun la populo Hatti, qua sucedesis dal Hititi dum la 2ma yarmilo aK, e dal Frigiani dum l'1ma yarmilo aK. Segun l'Iliado da Homero, Frigiani partoprenis la milito di Troya federita kun Troyani. Frigiani pose sucedesis dal Ligiani e dal Persiani.

Ankara esis la chef-urbo dil anciena Kelta stato Galatia, qua existis de cirkume 280 aK til 64 aK.