Troya

Troya
Muri di l'urbo
Lando:	Turkia
Informo:
Latitudo:	39°57′27″N
Longitudo:	26°14′20″E
Mapo:

Troya (Anciena Greka Τροία, Ίλιον e Ίλιος) esas Greka historiala urbo en nuna Turkia. Ol konocesas pro la Troya-milito, deskriptita en Iliado.

Fondeso

La Troyana rejala familio decendas del pleyado Elektra e Zeus, genitori di Dardanos. Ilca navigis til Azia de l'insulo Samotracia, ube li konoceskis Teucros, qua respektis il. Dardanos mariajis su kun Bateia, filiino di Teucros, e fondis Dardania, pose guvernata da Aeneas. Pos la morto di Dardanos, la rejio pasis ad ilua nepoto Tros. Zeus kidnapis un de lua filii, Ganymedes, pro lua beleso, por ke il esez varsisto dil dei. Ilos, altra filiulo di Tros, fondis l'urbo Troya e demandis signo de Zeus. Hazarde il trovis statuo nomizita Paladion, qua falabis del cielo. Oraklo dicis ke, tam longe kam la Paladion permanos en l'urbo, olca esos ne-asaltebla. Pose Ilos konstruktis la templo di Athena en lua urbo, en la sama loko ube ol falabis.