Andy Strassmeir
| Andreas Carl Strassmeir | ||
| ||
| Profesiono: | ex-militisto | |
| Lando: |  Germania
| |
| Naskodato: | 1959 | |
| Nasko-loko: | West-Germania | |
Andreas Carl "Andy" Strassmeir (n. 17ma di mayo 1959 en West-Germania) esas germano ed olima chefo di sekureso por la blanka-separistala komuneso, Elohim-City en Oklahoma.
Il ganis atenco pro lua alegita konekto kun la bomb-atako en Oklahoma-urbo en 1995 e divenis importanta persono en konspiro-teorii pri ol.
Strassmeir venis de germana familio konocata pro lua dextrana nacionalista simpatii. Il esas la filiulo di Günter Straßmeir, la Stabo-Chefo dil germana Kancelero Helmut Kohl. Lua avulo esis anke kun-fondinto di la Nazi-Partiso
Strassmeir studiis che la milital universitato en Hamburg, e pose servis en la germana armeo en 1979. Lua militala servo duris entote dum kin yari.
En 1991, Kirk Lyons introduktis Andreas Strassmeir ad Elohim City, blanka-separistala komuneso en Oklahoma. Un yaro pose, Strassmeir translojis adibe e divenis la chefo di sekureso ed armo-instrukto.
Dum ta tempo, il amikeskis kun Michael William Brescia, membro dil Ariana Republikana Armeo. La du viri kunlojis en chambro ibe.
Dum ke el laboris kom sekreta informanto por la ATF, rezidanto di Elohim City, Carol Howe informis la ATF pri Andreas Strassmeir, ke il freque parolis pri "explozigar federal edifici" ed uzar "direta agado kontre la usana guvernerio". Tatempe, Carol Howe ne savis pri ilua plena nomo, e simple konocis ilu kom "Andy la Germano".
La relato inter Strassmeir e Timothy McVeigh esas neklara, tamen on savas ke Andreas Strassmeir e Timothy McVeigh unesme interrenkontris che fusilo-expozo en Tulsa, Oklahoma en 1993.
Robert Millar quik ekpulsis Andreas Strassmeir ek Elohim City kande il saveskis ke la FBI exploris Strassmeir pro posibla ligi kun McVeigh e la bombardo.
Noti de FBI-exploro di 1997 asertas ke, ultempe pos la bombardo, CIA-pilotisto Dave Halloway transportis Andreas Strassmeir ek Usa. Dum ke ta raporto asertas ke Strassmeir aviacis a Berlin, multi spekulas ke il vicee aviacis a Mexikia.