Alexandria Ocasio-Cortez
| Alexandria Ocasio-Cortez | ||
| ||
| Oficala fotografuro di Alexandria Ocasio-Cortez, 2019. | ||
| Profesiono: | politikisto | |
| Lando: |  Usa
| |
| Naskodato: | 13 di oktobro 1989 | |
| Nasko-loko: | New York | |
| Retoloko: | https://ocasio-cortez.house.gov/ | |
Alexandria Ocasio-Cortez (naskinta ye la 13ma di oktobro 1989) esas Usan aktivisto e politikisto dil Demokrata Partiso e di tale nomizita Demokrata Socialisti di Usa. El divenis Demokrata kandidato por distrikto 14 di New York por la Domo di Reprezentanti (Angle:House of Representatives) ye la 26ma di junio 2018, pos vinkir Joseph Crowley, qua reprezentabis la distrikto depos 2013 ed esis reprezentanto dum 19 yari. La chefa elekto eventis ye la 6ma di novembro 2018. Elua vinko esis granda surprizo por vasta parti dil Usana nacionala televizion-jurnalistaro. La distrikto situesas en Bronx e Queens.
La familio di Ocasio-Cortez venis de Porto-Riko. Elua genitori esis laboristi. El studiis ekonomiko ed internaciona relati che Boston University, obtenante grado ye 2011.
Ante sua politikala kandidateso elu laboris en drinkeyo por suportar sua matro. El suportis la Demokrata prezidanto-kandidateso di Bernie Sanders en 2016 kom organizanto.
Un de elua maxim prominenta propozi esas abolisar la U.S. Immigration and Customs Enforcement. El anke suportas nacionala sanes-instituto Medicare ("Medicare for all", Medicare por omni) e federala laborogarantio-sistemo. Elua kandidateso suportesis da Demokrata Socialisti di Usa, Justice Democrats, Black Lives Matter, MoveOn, Our Revolution, Democracy for America, la Working Families Party e Brand New Congress.