Albin Kurti
| Albin Kurti | ||
| File:Albin Kurti in 2020 (cropped).png | ||
Chefministro di  Kosovo
| ||
| Guvernisteso: | de 3 di februaro 2020 til 3 di junio 2020 | |
| Precedanto: | Ramush Haradinaj | |
| Sucedanto: | Avdullah Hoti | |
| Personal informi | ||
| Naskodato: | 24 di marto 1975 | |
| Naskoloko: | Prishtinë | |
| Spozo: | Rita Augestad Knudsen | |
| Profesiono: | elektro-teknisto e politikistulo | |
| Politikala partiso: | Vetëvendosje | |
Albin Kurti esas politikisto di Kosovo. Ilu esis inter la 3ma di februaro 2020 e la 3ma di junio 2020 chefministro di Kosovo. Albin Kurti fondis e duktis quale prezidanto la politikala partiso Vetëvendosje (Nedependo).
Albin Kurti studiis elektro-tekniko che la universitato de Prishtinë dum la eceptala stando kande la universitati esis nelegala sub la regno di Serbia. Kurti organizis la rezisto kontre la serbiana regno en uniono di studenti di la universitato Prishtinë.
Ye la yaro 2003 Kurti finis sua studio di telekomunikal e komputoro-cienci. Ilu esas mariajata kun la Norvegino Rita Augestad Knudsen e la paro havas un filiulo.
Politikala kariero
redaktar- 1997 Kurti divenis membro di la libera trupo UÇK. Ilu laboris en la kontoro di la politikala reprezentanto di la UÇK Adem Demaçi.
- 1997-1999 Kurti organizis protesti di la studenti kontre la Serbiana regno en Kosovo.
- 2000-2001 Kurti arestesis pro sua aktivesi en Niš en Serbia.
- 2005 Kurti fondis la movado e politikala partiso Vetëvendosje.
- 2005-2015 Prezidanto di Vetëvendosje.
- 2018 Albin Kurti divenis itere prezidanto di Vetëvendosje.
- 2019 Albin Kurti ganis quale la parlamentara elekti di Kosovo kun sua partiso Vetëvendosje.
- 2020 Albin Kurti elektesis 3ma de februaro 2020 kom chefministro di Kosovo. Pos la rupto dil koaliso inter Vetëvendosje e la Demokratala Ligo di Kosovo (LDK) la 25ma di marto 2020 Kurti perdis sua ofico la 3ma di junio 2020. Avdullah Hoti de la Demokratala Ligo di Kosovo (LDK) divenis la 3ma di junio 2020 la sucedanto di Kurti.
Politiko
redaktarAlbin Kurti esas kontre la dominancanta prezenteso di internaciona organizuri en Kosovo e favoras la unigo di Kosovo kun Albania.