Alan Watts

Alan Wilson Watts
Okupeso:	Filozofo
Lando:	Unionita Rejio
Naskodato:	6 di januaro 1915
Nasko-loko:	Kent, Unionita Rejio
Mortodato:	16 di novembro 1973
Morto-loko:	Mount Tamalpais, Kalifornia, Usa

Alan Wilson Watts (6 januaro 1915 - 16 novembro 1973) esis britaniana filozofo, skribisto, e diskursero, bone konocata kom interpretero e popularigero di Estana filozofio por Westana audantaro.

Naskinta en Chislehurst, Anglia, il translojis ad Usa en 1938 e komencis Zen-instrukto en New York. Serchinta kariero, il asistis Seabury-Western Theological Seminary, ube ilu recevis grado pri teologio. Watts divenis Episkopala sacerdoto en 1945, ma livis la eklezio en 1950 e translojis a Kalifornia, ube il adheris la fakultato dil American Academy of Asian Studies.

Watts ganis granda sequantaro en la Bayo-Areo di San Francisco kande il laboris kom voluntanta programisto che KPFA, kanalo di Pacifica Radio en Berkeley. Watts skribis plu kam 25 libri ed artikli pri temi importanta di Estana e Westana religio, ed introduktis la lore-burjonifanta yunaro-kulturo a The Way of Zen (1957), un ek la unesma populara libri pri Budismo. En Psychotherapy East and West (1961), Watts propozis ke on povus egardar Budismo kom formo de psikoterapio e ne kom religio. Il egardis Nature, Man and Woman (1958) kom, "de literaturala vidpunto - la maxim bona libro quan me skribis." Il ank exploris homala koncio, en la esayo "The New Alchemy" (1958), ed en la libro The Joyous Cosmology (1962).

Proxim la fino di lua vivo, il dividis sua tempo inter lojobatelo en Sausalito e kabano sur Monto Tamalpais. Multa libri da lu esas nun obtenebla per dijitala formato e multa de lua diskursi esas trovebla che Interreto. Segun la kritikisto Erik Davis, lua "skriburi e diskursi ankore briletas per profunda e galvanizanta lucideso."