1ma yarmilo

L'unesma yarmilo esis periodo di 1000 yari qua iris del yaro 1 til la yaro 1000. Dum ta epoko, mondala habitantaro kreskis lente: de cirkume 200 milion personi dum la yaro 1, til cirkume 300 milion personi dum la yaro 1000.

Che westal Eurazia (Europa e Proxim Oriento) eventis la transito del Antiqueso til Mezepoko. Dum l'1ma yarcento, Romana imperio atingis lua apogeo, e dum la sequanta yarcenti ol gradope dekadis, samatempe kam Kristanismo, naskinta dum l'unesma yarcento, gradope dissemis tra l'imperio. Ank eventis granda migrado di populi, veninta de nordal ed estal Europa vers Romana provinci. Dum la duesma duimo dil yarmilo eventis la komenco di Mezepoko, l'expanso di Vikingi en westal Europa, e l'expanso di Bizancana imperio. Dum la 7ma yarcento, Islamo aparis en Arabia e rapide expansis tra westal e central Azia, la nordo di Afrika til atingar Iberia en 711.

En estal Azia, Buddhismo gradope expansis. En Chinia, la dinastio Han remplasis la dinastio Jin e pose remplasesis da la dinastio Tang.