Zhuangiani

Zhuangiani（Chiniane: 壯族/壮族）esas etnio di Popul-Republiko Chinia qua parolas la linguo Zhuang, qua apartenas a la grupo Tai. La maxim multa ek li rezidas en l'autonoma regiono Guǎngxī Zhuàngzú. Kelk anke rezidas en la provinci Yunnan, Guangdong, Guizhou e Hunan. Li formacas un ek la 56 etniala grupi agnoskata en Popul-Republiko Chinia. Ensemble kun populi Buyi, Tay–Nùng ed altra populi qui parolas lingui Tai, li formacas grupo konocata kom populo Rao o Rau.

Mulieri di etnio Zhuang.

Esanta cirkume 18 milion individui, li esas la maxim granda minoritato di Popul-Republiko Chinia, sequata da le Hui e le Mandju. Segun Huáng Xiànfán, ca minoritato esas nativa de Guǎngxī Zhuàngzú, e posible habitas la regiono de paleolitiko.