Yuan (surnomo)
Yuan (袁) esas facile trovebla Chiniana surnomo, la 34ma maxim ofte uzata surnomo. Segun la normo-linguo on skribas Yuán (pinyin) o Yüan (Wade-Giles). Altra pronunci por la sama nomo esas Yeu (Shanghaiana), Yuen (Kantona), Oan (Min Nan), Won (Koreana), e Viên (Vietnama).
La surnomo origine venis de nobela familio del anciena stato Chen, en la nuna provinco Henan, en Chinia. La formo di la skribita signo fixeskis dum la 1ma yarcento. Dum la Dinastio Han, ol asociesas kun la povoza klano Yuan de Ru'nan e pose dum la Jin e Suda Dinastii, kun la klano Yuan de Chen.
Historiale, la nomo kreskis rapide inter Han Chiniani, e prenesis da altra ne-Chiniana grupi. Nun existas 6.5 milion personi en la mondo kun ta surnomo, ed en Chinia esas 0.54% ek la habitantaro. Malgre ke kreskado lenteskis dum la lasta sis yarcenti, la surnomo Yuan anke nun esas relativale facile trovebla en omna parti di Chinia, ed anke inter Chiniani en stranjera landi.