Unigo di Germania

L'unigo di Germania eventis oficale ye la 18ma di januaro 1871 che palaco di Versailles, kande lora rejulo Wilhelm la 1ma di Prusia proklamesis imperiestro di unika stato kreita per l'uniono di 39 monarkii, di qui la maxim vasta esis Prusia, Bavaria e Saxonia.

Germana imperio, de 1871 til 1918.

De la komenco dil 19ma yarcento existis l'ideo pri l'unigo di diversa politikal organizuri qui olim formacis la Santa imperio Romana-Germana en unika stato Germana. Un ek la fazi de ca procedo esis la kreo di komuna merkato en la regiono, ideo stimulita dal junkers (l'aristokrataro Germana qui havis granda proprieti) e dal industriala borgezaro de la valo di Ruhr. En 1834 kreesis doganal uniono inter Germana stati.