Tetris

Tetris (en la Rusa: Тетрис) esas puzlala videoludo inventita da Alexei Pajitnov, kande il laboris en l'Akademio di cienci en Moskva, Soviet-Uniono. L'unesma ludebla versiono prizentesis la 6ma di junio 1984. Pajitnov indikis 5-quadrato kom fonto di sua ludilo, por la formi di Tetris Pajitnov uzis 4-quadrati. La nomo esas kompozita de la Greka numero tetra (quar) ed is de teniso, la favorata sporto di Pajitnov.

Skrenimajo de Tetris

Dum ludar Tetris konstante 4-quadrata formo falas de supre ad infre. Esas l'intenco krear plata lineo de 4-quadrati. Dum la falo di la 4-quadrato on povas turnar la formo por fitigar ol en la strato de 4-quadrati e movigar ol de sinistre a dextre. Se plata lineo kreesis, la lineo (o linei) desaparas ed on rikomencas nova lineo. Se on ne sucesas plenigar lineo en tempo justa, ol restas e nova strato de 4-quadrati existas sur la maxim alta strato. Tam plu alta la lineo de 4-quadrati, tam min multe spaco por turnar la formo restas.

Tetris surmerkatigesis da Nintendo 1989 kom parto di Game Boy