Stadtbahn di Stuttgart

La Stadtbahn di Stuttgart esas lejera fervoyo en Stuttgart, Germania.  La Stadtbahn komencis ye 28ma septembro 1985.  Ol jeresas da la Stuttgarter Straßenbahnen AG (SSB), quo anke jeras la autobuso-sistemi en ta urbo.  La Stadtbahn di Stuttgart esas sucedanta sistemo di tramvoyo-reto (Straßenbahnen) quo karakterizis la urbana trafiko en Stuttgart dum yardeki.

Subtera staciono

Stadtbahn-treni

La reto dil Stadtbahn di Stuttgart kovras granda parto de Stuttgart ed anke atingas la vicina urbi Remseck am Neckar, Fellbach, Ostfildern, Leinfelden-Echterdingen e Gerlingen.  Nune, la Stadtbahn di Stuttgart konsistas ek dekekin linei (U1-U9, U12-U15, U21 ed U24) e du linei por specala eventi (U11 ed U19), servanta 203 stacioni, e kovranta 130 kilometri de voyo.  En 2014, la Stadtbahn di Stuttgart portis 174,9 milion pasajeri.

Stuttgart Stadtbahn, nun tote normala larjeso (1.435 mm), developesis ek tradicionala tramvoyo-sistemo, quo en Stuttgart esis metro-larjesa.

En 1961 la urbo-konsilistaro di Stuttgart decidis ke generala modernigo dil municipala tram-sistemo bezonesis; en central arei, la tramvoyo devas esar subtera, ed en extera arei ol devas havar nova voyi qui esus separata del automobil- trafiko.  Samtempa propozi por nova tote subtera fervoyo (U-Bahn) refuzesis en 1976.  Samtempe on decidis modernigar la existanta tramvoyo, kun chanjo de metro-larjeso a normala larjeso.  Pro ca motivo, Stuttgart selektis la meza voyo di rikonstruktar preske omna voyi per mixita larjeso, sur quo olda tramveturi povus vehar ultre nova veturi.

En la urbo-centro ultre en altra dense konstruktita distrikti dil urbo, la Stadtbahn vehas subtere.  La Stadtbahn uzas la "U"-simbolo quale en altra germana urbi. Tamen, hike la "U" ne reprezentas untergrund (subtera) ma unabhängig (nedependanta).  Exter la densa urbana arei, la Stadtbahn vehas sur la surfaco, ofte alonge stradi kun krucovoyi.  Tamen, en la distrikto Stammheim, la vehili di la lineo U15 uzas la sama spaco kam altra trafiko.