Spokil

Spokil (sistemala linguo por internaciona uzado) esas volapükido kreita en 1890 e publikita en 1900 e 1904 da mediko de La Bourboule ex-Volapükisto Adolphe Nicolas.

L'autoro di sua projeto prezentis ol dum kunsido di Delegitaro por l'Adopto di Linguo Auxiliara Internaciona en 1906. Lore dum la prezentado Otto Jespersen pruvis ke la doktoro havis problemo pri rimemorigo la linguo-vortaro, quo ipsa inventis.

Spokil havas 25 literi: 5 vokali (a, e, i, o, u), e 16 konsonanti: b, d, g, v, z (pronunco quale c en Ido), r, m, j (quale en Ido), p, t, k, f, s (pronunco quale z en Ido), l, n, h (pronunco kom sh Idala).

Numeri 1-10 en Spokil es: ba, ge, di, vo, mu, fa, te, ki, po, nu. Personala pronomi esas: mi (me en Ido), ti (tu), il/ella (il/el), ni (ni), vi (vi), li/elles (ili/eli).

Dezinenci en Spokil es: -a- por substantivi, -e- por infinitivi, -i- por prepozicioni e konjuncioni, -o- por adjektivi, -u- por adverbi.

Exempli di krear i.a. verbotempi es: -e (arbe – Idala laborar), -ai (arbai – Idala laboras), -ei (arbei – Idala laboris), -oi (arboi – Idala laboros), -ui (arbui - Idala laborus), vi (vi arbai – Idala laborez), -iz/-az (arbiz/arbaz – laborinta/laboranta en Ido), -en- (movenai/movenoi – Idala amata/amota).