Small Faces: Diferi inter la revizi
Kontenajo efacita Kontenajo adjuntita
m emendo |
m emendo |
||
Lineo 13:
Lane e Marriott interrenkontris en 1965 kande Marriott laboris che la ''J60 Music Bar'' en [[Manor Park (London)|Manor Park]], [[London]]. Lane vizitis kun sua patro Stan por komprar bas-gitaro, konverseskis kun Marriott, kompris la gitaro e vizitis la domo di Marriott pos la laborojorno por askoltar diski. Li rekrutis amiki Kenney Jones e Jimmy Winston (n. James Edward Winston Langwith, [[20 di aprilo|20ma aprilo]] [[1945]], en [[Stratford (London)|Stratford]], estala London) qua swichis de gitaro al [[orgeno]]. Li rapide progresis de exerci che la drinkeyo ("pub") ''The Ruskin Arms'' (proprietita da la genitori di Winston) en Manor Park, London, a kaosoza "pub"-koncerti, a mi-profesionala klubo-koncerti. La grupo selektis la nomo ''Small Faces'' pro multa motivi: pro la mikra fizikala staturo di la membri, e pro ke "'''Face''<nowiki/>' esis ulu specala, plu kam nur elegante vestizita, il esis ''Mister Cool''."
La frua kansonaro dil bando inkluzis ''[[R&B]]''/''[[soul]]''-klasiki quala "''Jump Back''", "''Please Please Please''" da [[James Brown]], "''You've Really Got a Hold on Me''" da [[Smokey Robinson]], e "''Stand by Me''" da [[Ben E. King]]. Li anke pleis du originala kompozuri da Marriott/Lane, la rapida e lauta "''Come on Children''" e la "''[[Speed (drogo)|speed]]''-infuita" kansono "''E too D''", en qua Marriott montris sua konsiderinda vocala habilesi segun la stilo di sua heroi e rolo-modeli [[Otis Redding]] e [[Bobby Bland]]. "''E too D''", kansono di lia unesma albumo, ''[[Small Faces (albumo)|Small Faces]]'', nomizesis pro la strukturo di la gitaro-harmonio.
La unika e potenta voco di Marriott atraktis atenco. Kantistino [[Elkie Brooks]] frapesis da la vocala prodeso di Marriott e lua "prezenteso", e rekomendis li a lokala klubo-proprietero, Maurice King. Favore impresita, King trovis por li laboro en London ed extere. Lia unesma exter-Londona koncerto esis che laboristulo-klubo en [[Sheffield]]. Nam la audantaro konsistis precipue ek ''[[Teddy boys]]'' e drinkeganta laboristi, la bando pagesis pos nur tri kansoni. Desesperanta, li marchis aden la ''mod''-atra ''King Mojo Club'' proxime (lore proprietita da yuna [[Peter Stringfellow]]) ed ofris plear gratuite. Lia kansoni plezis le lokala ''mod'' ed ecitis li.
|