Slough (poemo)

"Slough" esas dek-stanca poemo dal angla poeto Sir John Betjeman, unesme editita en lua 1937 kolekturo di 1937 "Continual Dew" (Kontinua Roso).

La angla urbo Slough (pr. "Slau") uzesis kom eskombreyo por militala materio dum la intermilita yari, e subite divenis la hemo di 850 nova fabrikerii jus ante la Duesma Mondo-Milito.  La subita aparo di ca "Komerco-Domeno", lo sama pose eventis cirkum Britania, inspiris la poemo.

Vidanta la nova aspekto dil urbo, Betjeman frapesis da la "minaco di lo venonta".  Il plu tarde regretis la akreso dil poemo.  La poemo ne esas pri Slough precize, ma pri la profanaco produkata da industrialigo e moderneso generale, la transformo di Slough epitomesanta ca malaji.  Tamen, dum la yari urbestri di Slough kompreneble objecionis kontre la poemo.

La poemo editesis du yari ante la komenco di Mondo-Milito 2ma, dum quo Britania (inkluzanta Slough ipsa) experiencis reala aer-ataki (la poemo kontenas la lineo "Venez amikala bombi e falez sur Slough").  Multe plu tarde, en guidilo pri angla kirki, Betjeman referis ula kirki kom "preter la tentakuli di Slough" e "danjeroze proxim Slough".

Tamen, ye la centesma aniversario dil nasko di Betjeman en 2006, lua filiino pardonpregis pro la poemo.  Candida Lycett-Green dicis ke elua patro "regretis ultempe skribir ol".  Dum elua vizito, Sno Lycett-Green prizentis al urbestro di Slough, David MacIsaac, libro de poemi da Betjeman.  En ol esis skribita: "Ni amas Slough".