Scott Pruitt
Edward Scott Pruitt (n. ye la 9ma di mayo 1968) esas Usana Republikana politikisto ed advokato, servinte kom 14ma administranto dil Environmental Protection Agency (EPA, "Agenterio por Protekto Ekologiala") de la 17ma di februario 2017 til la 6ma de julio 2018, selektita da Donald Trump. Pruitt opozas la ciencala teorio pri klimato-chanjo ed refuzas irga politiko koorginita por diminutar karbobioxo ed kelk altra domajiva kemiaji en medio. Segun il homaro ulamaniere kontributas a klimatochanjo, ma ne esas la precipua kauzo. Ilu anke divenabis tre kontroversial en Usana politiko pro plura aserturi di korupteso pri ilu.[1][2][3]
Il subisis 12 inquesti ye mayo 2018 da diversa aganti, inkluzante l'inspektisto generala dil EPA, la Government Accountability Office e du komitati dil House of Representatives. Ula temi dil inquesti esas koncerno-konflikto e spensado voyajala. Lu forlasis la EPA ye la 6ma di julio 2018, anuncita ye la antea jorno. De lore Andrew Wheeler funcionas kom aganta administranto di la Environmental Protection Agency.
Pruit studiabis che la University of Kentucky, Georgetown College e University of Tulsa College of Law. Ilu pose praktikas kom yuristo, precipue pledanta por religial organizuri. Lu esas evangelikisto.
Kelka jurnalisti demandabis ka Pruitt uzis privat e-postokonto por guvernala laboro.[4]