Robert Altman
| Robert Altman | ||
| ||
| Profesiono: | filmifisto | |
| Lando: |  Usa
| |
| Naskodato: | 20 di februaro 1925 | |
| Nasko-loko: | Kansas City, Missouri | |
| Mortodato: | 20 di novembro 2006 | |
| Morto-loko: | Los Angeles, Kalifornia | |
| Retoloko: | http://www.robertaltman.com/ | |
Robert Bernard Altman (20ma di februaro 1925 - 20ma di novembro 2006) esis Usana film-direktisto, film-skribisto e -produktisto.
Kinfoya nominato dil Akademio-Premio di Maxim Bona direktisto e duranta figuro dil epoko Nov-Hollywood, Altman egardesis kom neortodoxa pro facar filmi kun alte naturalista ma stiloza e satirala estetiko, nequala la maxim multa Hollywood-filmi. Il ofte rangizesas kom un ek la maxim bona ed influiva filmifisti en usana cinemo.
Lua stilo di filmifo esis unika inter direktisti, per ke lua temi inkluzis la maxim multa jenri, ma kun "subversiva" interpreto quo ofte dependas de satiro e humuro por expresar lua personala viziono. Altman ganis reputeso pro esar "anti-Hollywood" e ne-konforma ye e lua temi e direkto-stilo. Tamen, aktori juis laborar por ilu pro ke ilu kurajigis li improvizar, tale inspiranta lia kreiveso.
Il preferis granda ensemblo-aktorari, e developis multa-strata sonregistrago-tekniko qua produktis samtempa dialogo da plura aktori. Ico produktis plu naturala, dinamikala, e komplexa experienco por la spektanto. Il anke uzis multe-movanta kameri e grandigo-lensi por augmentar la aktiveso sur-skrena. Kritikisto Pauline Kael skribis ke Altman povis "facar film-pirotekniko ek preske nulo."
En 2006, la Akademio di Film-Arti e -Cienci agnoskis la verkaro da Altman per honorumala Akademio-Premio. Il nultempe ganis Oscar malgre kin nominesi. Lua filmi MASH (1970), McCabe & Mrs. Miller (1971), e Nashville (1975) selektesis por prezerveso en l'Usana Nacionala Film-Registro. Altman esas un ek la poka filmifisti qui ganis la Ora Urso che Berlin, la Ora Leono che Venezia, e la Ora Palmo che Cannes.
Listo de filmi da Robert Altman:
redaktar- 1957: The Delinquents
- 1957: The James Dean Story
- 1968: Countdown
- 1969: That Cold Day in the Park
- 1970: M* A* S* H
- 1970: Brewster McCloud
- 1971: McCabe & Mrs. Miller
- 1972: Images
- 1973: The Long Goodbye
- 1974: Thieves Like Us
- 1974: California Split
- 1975: Nashville
- 1976: Buffalo Bill and the Indians
- 1977: 3 Women
- 1978: A Wedding
- 1979: Quintet
- 1979: A Perfect Couple
- 1980: Health
- 1980: Popeye
- 1982: Come Back to the Five and Dime, Jimmy Dean, Jimmy Dean
- 1983: Streamers
- 1983: Secret Honor
- 1985: O.C. and Stiggs
- 1985: Fool for Love
- 1987: Beyond Therapy
- 1990: Vincent & Theo
- 1992: The Player
- 1993: Short Cuts
- 1994: Prêt-à-Porter
- 1996: Kansas City
- 1998: The Gingerbread Man
- 1999: Cookie's Fortune
- 2000: Dr. T & the Women
- 2001: Gosford Park
- 2003: The Company
- 2006: A Prairie Home Companion