Pedro Marcilla Ferrús

Pedro Marcilla Ferrús
Pedro Marcilla Ferrús 1875-1952
Profesiono:	Ekritisto
Lando:	Hispania
Naskodato:	1875, 29 di aprilo 1875
Nasko-loko:	Albacete, Hispania
Mortodato:	1952, 3 di mayo 1952
Morto-loko:	Barcelona, Katalunia, Hispania

Pedro Marcilla Ferrús, en Ido plu bone konocata kom Pedro Marcilla, esis ekritisto en fabrikerio en Barcelona, adube il translojis en 1923.

Marcilla lernis Esperanto e komencis docar Esperanto en laborala societi. Pose il konoceskis a Alberto Galant, qua interesesis pri Ido, e lernis Ido. Galant persuadis Marcilla anke lernar Ido e divenar Idisto. Ensemble li fondis l'unesma Ido-Societo Hispana (1921). Kun Galant il anke editis la revuo Laboro. En 1931 il editis kun Manuel Escudero l'Ido-Hispana vortaro.

Generalo Franco interdiktis omna propagando por Ido, pos ilua vinko en 1939. Robert Castelló dicis: "tam longe kam restos Marcilla, ne mortos Ido"..

Pedro Marcilla esis membro dil Akademio di Ido (e pose prezidanto dil Akademio di Ido), la Direktanta Komitato di ULI. Il esis anke autoro di vortari Hispana-Ido ed Ido-Hispana.