Paris-kanono

Paris-kanono (Germane: "Pariser Kanone") esis surnomo donita ad un o plusa kanoni uzita da Germana armeo por bombardar Paris de la 23ma di marto til la 9ma di agosto 1918 dum l'unesma mondomilito. Ol nekorekte konfundesis kun obusokanono nomizita Dicke Bertha ("granda Bertha"), qua uzesis por bombardar Liège.

Paris-kanono

Ol povis pafar bombo di pezo 106 kg, ye disto 130 km - til lore, la maxim granda disto atingita da obuso esis 95 kilometri. La trajektorio havis alteso 42,3 km. Ye la unesma kampanio, Paris bombardesis de la foresto di Coucy, 120 km distanta, de 23 di marto til 3 mayo, ye rapideso di pafado til 20 bombi dum dio. Entote pafesis 351 foyi kontre Paris, e to produktis 250 morti, e plusa 620 homi esis vundata. Pro la granda disto di la fronto, komence Parisani kredis ke l'obusi lansesis de granda altitudo da ula aeronavo.