"Old Man" esas kansono skribita e pleita da Neil Young en sua albumo di 1972 Harvest. "Old Man" editesis kom disketo da Reprise Records en printempo di 1972, ed atingis no. 31 en la usana rango Billboard Hot 100 dum la semano fininte ye 3ma junio.

Neil Young dum la yari 1970ma

La kansono skribesis por la pordisto di la Northern Kalifornia Broken Arrow Ranch, komprita da Young po $350.000 en 1970. La kansono komparas la vivo di yuna viro kun ta di olda viro, e montras ke la yuna viro havas, ulgrade, la sama bezoni kam la olda. James Taylor pleis sis-korda banjo (akordigita quale gitaro) e kantis, e Linda Ronstadt anke kunkantis. En la filmo Heart of Gold, Young introduktas la kansono tale:

"Cirkum ta tempo kande me skribis ("Heart of Gold") e me esis turanta, me anke -- esinte richa "hippie" unesmafoye -- jus komprabis rancho, e me ankore lojas ibe hodie. Esis paro lojinta ibe qui esis la pordisti, olda viro Louis Avila e lua spozino Clara. Esis olda blua Jeep ibe, e Louis vehigis me en ol. Ni atingis la suprajo di la loko, ube esas lago qua nutris la pastureyi, ed il dicis, "Or, explikez a me, quale yuna viro quala vu havas la pekunio por komprar ica tereno?" E me respondis, "Or, me esas nur fortunoza, Louie" Ed il diis, "Or, to esas lo maxim extraordinara quon me ultempe audis." E me skribis ica kansono ("Old man") por lu."