Odesa
Kelk imaji pri Odesa.
Standardo Blazono
Lando: Ukraina
Provinco: Odesa
Informo:
Fondita ye: 2ma di septembro 1794
Fondita da: José de Ribas y Boyons
Latitudo: 46°29′08″ N
Longitudo: 30°44′36″E
Altitudo: 40 m
Surfaco: 162,42 km²
Habitanti: 1 010 537 (2022)
Denseso di habitantaro: 6221,4 hab./km²
Disto de Kiiv: 480[1] km
Horala zono: UTC+2
(UTC+3 dum la somero)
Urbestro: Gennadiy Trukhanov
• Odesa
Oficala retosituo:
http://omr.gov.ua

Odesa esas la 3ma maxim populoza urbo di Ukraina e la maxim importanta portuala urbo Ukrainana che Nigra maro. Segun statistiki de 2022, ol havis 1 010 537 habitanti. Ol esas l'administrala centro dil samnoma oblast (provinco). Ye la 25ma di januaro 2023, lua historiala centro deklaresis Endanjerigita Mondala Patrimonio di la Homaro da UNESKO, agnoskanta lua influo sur cinemo, literaturo ed arto, e kom respondo a la bombardo dil urbo dum l'invado di Ukraina da Rusia en 2022, qua destruktis o domajis edifici en la urbo[2].

Aeral imajo pri plajo Chakya.

Odesa esas portuala urbo apud varm aqui, e gastigas ambe la portui Odesa e Pivdennyi, ca lasta importanta por transporto di petrolo. Ol anke gastigas importanta universitati, de qui la maxim prestijoza esas l'Universitato Nacionala I. I. Mechnykov, qua fondesis en 1865. Odesa ank esas importanta turistala urbo, e havas importanta muzei e teatri, ultre plaji.

Granda eskalero redaktar

 
Eskalero Potyomkin.

La granda eskalero Potyomkin (ante "eskalero Richelieu") esas longa de 142 m, alta de 27m e larja de 12,5 m en lua somito (che la bulvardo Primorski), e larja de 21,5 m en lua bazo (che la strado Souvorov, apud la maro). Ol konsideresas la formala eniro dil urbo. Ibe Sergei Eisenstein filmis famoza ceno en 1925.

Referi redaktar

  1. Distance from Kiev to Odessa - Publikigita da Distance Calculator. URL vidita ye 18ma di agosto 2017. 
  2. Ukraine's Odesa city put on UNESCO heritage in danger list Nomo di la publikigo: AP NEWS.  Dato di publikigo: 25ma di januaro 2023.  URL vidita ye 25ma di januaro 2023.  Idiomo: Angla. 
 
Commons
Commons havas kontenajo relatante a:


  Urbi di provinco Odesa  
Ananyiv · Arciz · Balta · Berezivka · Bilhorod-Dnistrovskiy · Bilyayivka · Bolhrad · Chornomorsk · Izmayil · Kiliya · Kodima · Odesa · Podilsk · Peni · Rozdilna · Tatarbunari · Teplodar · Vilkove · Yujne