Rejio Makedonia

(Ridirektita de Macedonia)

Rejio Makedonia, anke konocata kom Makedoniana imperio (anciena Greka: Μακεδονία; Greka moderna: Μακεδονία y Βασίλειο της Μακεδονίας) esis antiqua rejio Greka, jacinta norde del antiqua Grekia. Ca rejio aparis dum la 7ma yarcento aK, plusolidigis dum la 5ma yarcento aK, ed atingis lua apogeo dum la 4ma yarcento aK, kande Filip la 2ma konvertis ol en la maxim povoza stato di Balkan. Ilua filiulo, Alexandros la Magna, konquestis la maxim multa teritorii de la mondo lor konocita dal Greki, e portis Greka influi, nome artala, a la regioni konquestita.

Imperio di Alexandros la Magna
Filip la 2ma di Makedonia

Dum ilua regno, Filip la 2ma vinkis batalii kontre Peoniani ed Iliriani en 358 aK, ed expansis lua rejio til lago Ohrid. Ilua filiulo Alexandros la Magna vinkis Greki e konquestis Tesalia, e pose marchis por konquestar Persa imperio, inkluzite Anatolia, Siria, Fenicia, Judea, antiqua Egiptia, Baktriana e Mezopotamia, ed expansis la frontieri dil imperio til Punjab. Il anke projetis konquestar Arabia, ma mortis ante to. Ilua generali dividis l'imperio inter li, nam nulu ek li intencis submisar su ad altru.

La rejii qui rezultis de ca divido envolvis su en militi, e fine en 168 aK, rejo Perseus de Makedonia perdis milito kontre Romana republiko e la rejio desaparis. Lua teritorio dividesis en quar stati klienti de Romana republiko.