Lagos
Lagos Victoria Island.jpg
Edifici en Lagos.
Flag of Lagos.svg Lagos Seal.png
Standardo Blazono
Lando: Flag of Nigeria.svg Nigeria
Informo:
Latitudo: 6º27'11" N
Longitudo: 3º23'45" E
Altitudo: 41 m
Surfaco: 999.6 km²
Habitanti: 15 118 780[1] (2014)
Denseso di habitantaro: 13 405 hab./km²
Horala zono: UTC+ 1
Urbestro: Rilwan Akiolu I
Mapo:
Mapo di Lagos
Oficala retosituo:
www.lagosstate.gov.ng

Lagos[2] (en Yoruba: Èkó) esas l'olima chef-urbo di Nigeria, de 1914 til 1991. Lagos havis 15 118 780 habitanti segun statistiki por 2014, esanta la 2ma maxim populoza urbo di Afrika dop Kairo.

Avenuo Lekki-Epe, en Lagos.

Lagos nomizesis dal Portugalani pro la laguno cirkum l'insulo sur quon ol konstruktesis. Lagos signifikas 'lagi' en la Portugalana. L'urbo esas granda ekonomiala centro, e cirkume 10% de la TNP di Nigeria produktesas ibe. Ol anke koncentras importanta, universitati, fakultati e teknikala skoli, exemple l'Universitato di Lagos (UNILAG), l'universitato Lagos State (LASU), la Fakultato Yaba pri Teknologio (YABATECH) e l'Instituto pri Industriala Teknologio (IIT).

Nigeriana guvernerio projetis konstruktar nova chef-urbo, Abuja, dum la yari 1980a. Ye la 12ma di decembro 1991 la chef-urbo oficale transferesis de Lagos ad Abuja.

GeografioRedaktar

 
Peizajo dil insulo Victoria.

La reliefo di Lagos konsistas ek plana areo kontinentala e kelka insuli, kun parti del urbo kovrata da sablo transportita da fluvii e marshi. An insulo Lagos (8,7 k² di surfaco totala) jacas la maxim importanta aferala e komercala quartero del urbo, kontre ke an insulo Victoria existas chera imobli e luxoza kondominii. La mezavalora altitudo di Lagos esas 34 metri.

La klimato dil urbo esas tropikala de savano (Aw segun la klimatala klasifikuro da Köppen). La temperaturi varias poke dum la yaro: la mezavalora yarala temperaturo esas 26,8ºC.

La pluvoza sezono iras de duimo di aprilo til oktobro. La mezavalora yarala pluvo-quanto esas 1506.6 mm, e la maxim pluvoza monato esas junio, kun mezavalore 315,5 mm.

ReferiRedaktar

  1. total population of LGAs within Lagos city boundaries; Agege, Ajeromi-Ifelodun, Alimosho, Amuwo Odofin, Apapa, Eti-Osa, Ibeju-Lekki, Ifako-Ijaiye, Ikeja, Kosofe, Lagos-Island, Lagos-Mainland, Mushin, Oshodi-Isolo, Somolu, Surulere. Local Government Lagos – Population (2006) (Angla). Lagos Bureau of Statistics. URL vidita ye la 13ma di marto 2014.
  2. Olupọna, Jacob Obafẹmi Kẹhinde. Òrìşà devotion as world religion: the globalization of Yorùbá religious culture. University of Wisconsin Press.