Apertar la precipua menuo

Komunitato Europana pri Karbono e Stalo

Historio dil Europana Uniono
(1951–2002) ECSC → (1957–1993) EEC → (1957-) EAEC → (1993–2009) EK → (1993–) EU
Commons-emblem-trademark-issue.svg
Ica artiklo bezonas revizo gramatikala. – Ka vu povas helpar ni revizar ica artiklo?

La 'Komunitato Europana pri Karbono e Stalo, ECSC (Angle: European Coal and Steel Community) fondesis en 1951. La bazala ideo esis kontrolar la produktado di karbono e stalo internacione e tale preventar ke ula stato povus fortifikor su por milito. La kombato pro karbono e stalo esabis signifikanta kauzo por la militi en Europa.

La ministro pri exterlandal aferi di Francia, Robert Schuman, parolis unesmafoye pri ta Komunitato ye la 9ma di mayo 1950. La 9ma di mayo esas nun la Dio di Europa, che Europana Uniono.

La fondinta stati di ECSC esis Francia, West-Germania, Italia, Nederlando, Belgia, Luxemburgia. La stati kontratis ke lia metalal industrio funcionos internacione. Samatempe li partiale donis lia nacionala suvereneso komun-Europala administreri, ma la domeni esis tre exakte definita. La sama ideo uzesas pose ank en Europana Uniono.

Per ECSC onu kreis komuna karbonal e stalala merkato. La skopo di la Komunitato esis:

  • sekurar l'aquiro di karbonal e stalala produkturi,
  • garantiar ke singla stato membrala havas libera aceso a marketo,
  • sekurar ke la preci esas nefixita,
  • krear apta kondiciono por developo di la produktado e preventar trouzo di minerali,
  • plubonigar la kondiciono vival e laborala di la laboristi di industrio,
  • modernigar la produktado,
  • preventar la diskrimino di la kompreri, produkteri e konsumeri,
  • eliminar doganala pagi ed altra pagi qui originis de komercal akti.

Pro developir ca aferi onu pagis a komuna budjeto. Olu esas la sola Europal imposto.

En 1957 la sama stati fondis l'Europana Ekonomiala Komunitato. En 1967 l'organi de ECSC unionesis a komun organi di Europana Komunitato. L'efikiva tempo di fondo-kontrato duris dum 50 yari, til 2002.